 محشش يروي قصه لبنته!!!!!!!!!!!!
اذا المراجل لبسة شماغ وعقـال
قـل للعـذاري يلبسـن العمايـم
ماعاد يفرق زول حرمة ورجـال
دام الفعايل تشبه البعـض دايـم
المرجلة ماهيب كلمـة وتنقـال
وتروح ماراحت هبوب النسايـم
ولا خشونة صوت اورفع الاثقـال
او رزة صـدور وفعـل الزلايـم
ولاهي بعد مفتاح موتر وجـوال
والا ردى لسانن حديثـة شتايـم
المرجلة شيمه عن القيل والقـال
رفيع نفسن حـر بالجـو حايـم
المرجلة عقل وزن وزنه جبـال
ودون العقل وش فرقنا والبهايـم
يامسندي لومايل الوقت بي مـال
ياولد أبويـه ياعظيـم العزايـم
يامعرب الجدين من العم والخـال
يانخوة المفزوع وقـت الهزايـم
المرجلة ياخوي هي طولة البـال
هي العزم هي الصبـر فالظلايـم
فيها الكرم عـزة دلـه وفنجـال
فيهاالكرامه عن ردى الطبع شايم
والدين لامنه خذا القلـب منـزال
مشى طريق الحق وابليس نايـم
ومن لاعرف ربه في طيب الحال
لابد وقت الضيـق بالهـم هايـم
حتى صلاتك مع جماعات ورجال
في خيرها ياخوي نعـم الغنايـم
ولامن نصف ليلك قم صفي البال
ياعظم اجرك بين ساجـد وقايـم
ولامن رفع ربي له كل الاعمـال
حسن الذكر لاقالوا فلان صايـم
وخلك شريف القصد ياطيب الفال
سوء المقاصد فالبيـوت الهدايـم
واحذر تبيع النفس في درب الأنذال
وتتبع خوي ابليس راع النمايـم
النفس خيل لـك اذا كنـت خيـال
ومن لاقوى نفسه قوته الهزايـم
ولاصرت ماتدري لوش انت رجال
والله خسارة فيك ذبـح التمايـم
__________________
منقول
تحيااااااااااااااااااااااااااااااااااتي  | 
