سيرت يمك يازعيم الحمادين

[&& بن مليح &&]

السلام عليكم ورحمة الله وبركاته

هذي القصيده اهداء الى ..
الشيخ / راجح بن محمد بن مليح الحميداني أطال الله بعمره ... شيخ قبيله الحمادين

اترككم مع القصيده ..

اخر شهر شعبان يوم الثلاثين = طلعت هلال الصوم شهر رمضاني
سيرت يمك يازعيم الحمادين = ياشيخنا اللي لك مكان وكياني
سلطانا لو يكثرون السلاطين = راس القبيله من قديم الزماني
شيخ ٍ ولد شيخ ٍ لك عهود وسنين = ماكنك إلا سهيل ونجم اليماني
راسك براس مليح والربع الاقصين = متواصلن بحمود قاصي وداني
انتم عمود البيت بأول وهالحين = وحتى تقوم قيامة المودماني
راجح وراجح في جميع الموازين = علم عليه شهود شوف وبياني
ديوان بيتك غير كل الدواوين = ماصك بابه عن ضيوف وعواني
من جاه يلقى دلال مع وارد الصين = ابهارها بالهيل والزعفراني
كيف الرجال المكرمين الميامين = ماهو بكيف أهل الردى والهداني
وصينية ٍ فيها من الحيل ثنتين = وانتم هل المدات وأهل السماني
من ساس جدك وانت زين على زين = متوارثين الطيب قبل الاخواني
من كبر قدرك يطلقون المساجين = ويعفى عن المندان لو هو مداني
جاهك كبير فوق كل القوانين = طلق اليمين ومن طوال اليماني
ياعون من صكوا عليه الديايين = وألا عليه الوقت سوا امتحاني
قد قيل ماتعلى على الحاجب العين = مضرب مثل لفلان وإلا فلاني
وأن كانني مخطي عسى قلبك يلين = أبا السموحه منك يابن الحصاني
ومن دون وصلك صار بالامر نوعين = نوع العمل والوقت صلف وحداني
ولا ودي أكشف مابصدري من البين = من خوف لا تزعل علي العواني
وختامها مني بمسك ورياحين = وأقبل سلامي مع جميل التهاني

الشاعر / غزاي بن عطالله العليم الحميداني

[/align]

[الموج العالي]

خي الكريم الموج العالي

مدح ابن عمك مدح واشاده لك

وكلكم وافين اتمنى التقيد باالانظمه دمت بخير

برق الوسم

[محمد ابن عقوب]

اخي العزيز // && بن مليح &&

أولاً : أشكرك على نقل هذه القصيده الراقيه .

ثانياً : الشيخ / راجح بن محمد الحميداني ،، كفو ويتساهل كل خير

ثالثاً : ياخي العزيز

لا تنظر إلى ما يقوله السفهاء ،، فلو نظرت إلى ما يقولون لاصبحت سفيهاً مثلهم ،،، وأنت أكبر وأرقى مما يتفوهون به .


ألف شكر لك لتواصلك البناء ،،،

وأستميحك العذر بتعديل بسيط في المقدمه لكي لا تجعل لهم مقام او اهتمام ,,,,


تحيااااااااااااااااتي لك

[&& بن مليح &&]

ياهلا في اخوي ابو عقوب تو مانور الموضوع

وكلامك درر وفعلا كلامك صحيح

لكن وانا اخوك هذولا ناسن ودها تغير التاريخ باي طريقه كانة

لكن وانا اخوك التاريخ ثابت ولو حاولوا التغيير

وكل واحد يرى بنفسه انه ماكل الدنياء كلها بصيته

بس الصحيح عكس ذلك


وشاكر مرورك يابوعقوب وهذي والله الساعه المبارك اللي تواجدة فيها

[ابو الطواري]

يابن مليح(ليسا الفتى من قال ذاك ابي @وإنما الفتى من قال هاْنا ذا) وشكرررررررررررررررررررررررررررررررررررررررررررررأً