كثر ما تثدر إتمادى وقول اللي تبي وبساع ** انا واثق ولا يهمني اذا تحفر لي أي حفرة
ترى من يوصل القمة يحسده من سكن بالقاع ** وهالشي من قبل معروف يعني بس على فكرة
تراها المسألة ماهي بقضية جوع أو اشباع ** تفضل عندنا في البيت وشوف شكبرها السفرة
نحن لو تدري نشبع بطن فاضي اذا انه جاع ** ونفهم مقصد المحتاج قبل ما يقول من نظرة
أنا أكتب أحاسيسي شعر لا تظن أنا خداع ** عرفت اني انا شاعر كذا والله بالفطرة
أنا أداوي بأشعاري هموم الناس والاوجاع ** ولا أبغي من ورى شعري مقابل أو أبي شهرة
أنا أصدق دوم مع نفسي وبالتالي الشعر ينصاع ** تحت أمري تحت شوري على كيفي أنا أسيرة
أنا شعري مثل نجم ٍ تلالا بالسما لماع ** ولي مثلك يشوفه فوق ..يطلع وقتها عذره
أنا الاشعار تخضع لي مذلة وبالغصب إخضاع ** ثقة كيفك تسميها والا سمها بطرة
أنا شعري ترى يخشاه ناس ٍ يهزمون ضباع ** وشعرك انت مثلك يوم تشك الخيط بالابرة
تحاول تكتبه يرفض يعاند يرتبك يلتاع ** وأنا أتحداك لو تقدر تقوله بس على عشره
ياخويه لو تكون انته شبر صدقني شعري باع ** وانا كم مرة اسال عنك يقولون والله والعثرة
تقيمني ومن حضرتك أسير الشوق أو الملتاع ** لا والله تخسي انته ومن فوقك بعد عشره
أوإنك فاكر انك انت على غفلة مثل فزاع ** لا والله ولا تسوى شعر فزاع أو ظفره
ياخويه هذا شاعر فارس مثقف وصيته ذاع ** تصفق له جميع الناس من الروعة اللي في شعرة
تحت أمره هبوط هبوط وحالا لو يقول اقلاع ** ووالله من كثر حبه حفظنا كل أبو شعره
أهو بحر الشعر أصلا وكل الناس فيه شراع** كلام الحق ما يزعل ولا يذبل أبد زهرة
ومب كل من كتب له بيت ويمكن هو شراه أو باع ** يسمي نفسه الشاعر ويستطرب على ذكره
ترى الشاعر عبارة عن مشاعر داخل الاضلاع ** اذا طلعت من الخاطر بتوصل كوكب الزهرة
اذا انك ناوي تتفلسف تراها الفلسفه انواع ** واسهلها معك صعبه وليه بس تدعي القدرة
لا تتفلسف بكلماتك ترى مالك ابد اي داع ** ترى سهله اقول لك قم اطلع لو سمحت بره
ولكنا تربينا وفينا المستحى ما طاع ** تعلمنا مع الايام نعطي كل أحد قدره
أنا وش لي أرد أصلا على انسان لبس له قناع ** دفعه النقص يتكلم وهو ميت من الحرة
بقول لك بس شي واحد ترى قالوه بالاجماع ** ومن قاله ترى قاله قناعه وتجربه وخبره
ترى من يوصل القمة يحسده من سكن بالقاع ** وهالشي من قبل معروف..يعني بس على فكرة
][®][^][®][طارق المحياس *][®][^][®][
[/align]
..{’’ على فكرة ’’}.. 
