ضيقة غيبتك يمه

ســـيـــ الحميداني ـــوف · #1 17-Jul-2008, 09:45 PM

اخوانى وخواتى

اعضاء منتدى الحمادين

وعدتكم اكتب لكم قصديتى بغياب امى اسبوعين

بقصيدة دار الحمادين

وهذا وعدى بين ايدكم

واللى اكيد مايخلو من كسور نفسى

ضيقة غيبتك يمه

بعد غيبتك يمه البال ضايق=الدمع بعينى والصدر مكتوم
وحيدتن حولى جموع وخلايق=اسهر وارقب محلك محارب النوم
للبيت يالدرة ماعاد انا طايق=فقدت انا الصوت وحلو العلوم
كل شئ بعينى اصبح ماهوب لايق=دام الغلالك بعلن لك الصوم
حالى كسير وللبشر مانيب رايق=الكحيلة عندى تسوى ربعى مع القوم
ملعون وقت لك يايمة بايق=الفرح بغيبتك بيت مهدوم
اشتقت لك وربى علام الخلايق=كنى غراب على مكانك يمه احوم
الهنا بقربك ياعمرى قلبى ذايق=والضحكه بمبسمى ترتسم دوم
النظر يمه لزولك بالحيل تايق=احس العمر يجرى ماهوب يوم
اثر(ابوى)معذور يومه للبشر سايق=بنهر النيل لعيون(امى)يعوم
وصفك اللى على الخلق فايق=الغلا له بقلوب المحبين محتوم
زين المعالم بين العذارى مايق=بين الرعد والبرق من مبسمه وسوم
يالله عسى يمه مايحول بيننا عايق=بغيبتك دنياى سودة كلها هموم
ولايمرنى يوم اسمع الدر شايق=والله لرفع الدنيا عمارات وردوم
لعيون (امى)و(ابوى)العمايق=ابنى لهم حرف القصيد بيت مع روم

وسلامتكم

(امى وابوى)كانت بالقصيده اسامى

اختكم سيوف الحميداني

ابونادر · #2 17-Jul-2008, 10:35 PM

سيووف

صح لسااااااااااااااااااانك قصيدة تحمل كل معااااني السمو والعاطفة

جيدة من حيث المضمون والمعنى وفيها بعض الكسور البسيطة

انتي شاعرة واعدة تمنياتي لك بالتوفيق .

تحيااااااااتي

.

ابـــوحـــــور · #3 18-Jul-2008, 12:07 AM

صح لسانج سيوف على القصيده والله يطول عمر امج

ســـيـــ الحميداني ـــوف · #4 18-Jul-2008, 02:25 AM

اقتباس:

المشاركة الأصلية كتبت بواسطة ابونادر

سيووف

صح لسااااااااااااااااااانك قصيدة تحمل كل معااااني السمو والعاطفة

جيدة من حيث المضمون والمعنى وفيها بعض الكسور البسيطة

انتي شاعرة واعدة تمنياتي لك بالتوفيق .

تحيااااااااتي

.

ابونادر

صح بدنك ولاهنت على المرور

مشكور على هالحجى

اذا السالفه فيها نقد ترى بنحاش

ادرى استاذى الفاضل ان قصيدتى مكسورة

وانا اصلا مااصنف شاعره والاجان علوم(ياعزتى للشعر)

انا مجرد ادون احساسى بالصورة اللى ييى عليها

اكتب قصيدة مكسورة واجبر خواطركم ولااكتب قصيدة موزوونه وتكسركم

استاذى الفاضل ابو نادر

شهادتك بانى شاعره واعده مستقبلا نيشان على صدرى افتخر به

يسعدنى دائما وابدا ان اجد مقعدك محجوز بمتصفحى بحضورك الشامخ

دمت بخير شامخ الرقى

ســـيـــ الحميداني ـــوف · #5 18-Jul-2008, 02:28 AM

اقتباس:

المشاركة الأصلية كتبت بواسطة ابـــوحـــــور

صح لسانج سيوف على القصيده والله يطول عمر امج

ابو حور

صح بدنك اخوى ولاهنت على مرورك

الله يخليك يارب وتسلم على هالدعوة

ويطول عمر امهات المسلمين ياارب

تواجدك باحساسيى المتواضعه تعنى لى الكثير

فلا تحرمنى منه ابد

#6 18-Jul-2008, 02:35 AM

سيوف ابكتني قصيدتك

فديتك ياعمري فديت ادايتك الي

كتبتها

ابونادر · #7 18-Jul-2008, 02:41 AM

اختي سيوف

اي شاعر يزعل من النقد او التوجيه لن يصبح شاعر ابدا

كلنا مرينا بتجربة كسرالشعر واستفدنا من النقد

تحياااااتي

ســـيـــ الحميداني ـــوف · #8 18-Jul-2008, 04:48 AM

ريوفه

ماعاش من بيجيج ياقلبى

فديت هالحضور الزاخر بالاحاسيس

لاخلا ولاعدم هالحضور بحروفى

ســـيـــ الحميداني ـــوف · #9 18-Jul-2008, 04:51 AM

استاذى الشامخ اب نادر

استميحك عذرا بمنادتى لك استاذى

ولكنى بالفعل اطمح ان اكون احد تلاميذك

بالاخلاق-السمو-الشعر

عندما تكتب انى ساهرب اذا يوجد نقد كنت امزح لاغير

ولكن بواقع الحياة نحتاج للنقد بكل شئ وليس بشعر فقط

فالنقد احيانا كثير يكون منجاة لنا

تاكد ان نقدك يسعدنى اكثر من مديحك لانى اعلم بانه يمدنى بالكثير لطور من نفسى

وتاكد انى افر ح به واتطلعه دائما