فرحت برجوعك ماطلبت لخطاك اعذار

#1 15-Jul-2008, 01:59 PM

دليل المحبه شـوف عينـي عليـك تغـار
ولاودي الحاسـد عيـونـك يطالعـهـا

مع إنك رحلت بعيد .. لكن بقى التذكـار
ليـا شافتـه عينـي تسابـق مدامعـهـا

دفنت الغرام بخافقي .. والقلـوب أسـرار
مشاعـر هقيـت إن الليالـي تضيعـهـا

فرحت برجوعك .. ماطلبت لخطاك اعذار
ونفسي نست ماجرى مـن ( تواضعهـا)

تهادت مشاعرخاطري لـك بـلا معيـار
تجاهلتها .. لـو كنـت خابـر دوافعهـا

يقولون جنّب درب مالـك معـه معبـار
يلومون نفسٍ بعـد الاحبـاب موجعهـا

يقولونهـا قبلـي (يخـون البحـر بحّـار)
والآمواج لاهاجت خـذت ماتبـي معهـا

تكاثرت منك الصد .. وأثرالعلـوم كبـار
لقيتك علـى نفسـي تقلّـب مواجعهـا

اقوله وأنا اللي شفـت ذاك الغـلا ينهـار
يشوف النـدم رجّـال نفسـه يطاوعهـا

مثل ماضرب جّـوٍ خـلا غـاي محتـار
يدّوج .. ورجله مـادرى ويـن موقعهـا

تعرض سموم القيض .. والـدار مامـن دار
هليك .. وشعر بالموت روحـه ينازعهـا

جحدت الغلا لين امتلا بالخفوق .. وثـار
قصايد عساها اليـوم تطـرق مسامعهـا

غرامك مثل نارٍ حطبها الغـلا .. والنـار
تموت .. وغـلاك اللـي بقلبـي يولعهـا

غلاك بضميري واضحٍ .. ماعليـه غبـار
تشيل الغلا نفسي .. وأنا عاجـز امنعهـا

يقولون: ماودعّك؟؟ .. قلت: الفراق وصار
والإنسان روحـه تنسلـب مايودعهـا !

هذيك الليالي وين ؟؟ .. أثرالزمن دوار !!
خذاهـا .. ولاظنـي زمانـي يرجّعـهـا

طوتها السنين .. ولابقالي سـوى التذكـار
ليـا شافتـه عينـي تسابـق مدامعـهـا