وش ملحه اللي ينثر الحسن من زوده=وش عاد خلا للمماليح مـن بعده
الله عليه أن فتـح الـورد بخـدوده=الناعم اللـي خفـت لاتجرحـه ورده
الناعس اللي ريّع الكحل فـي سـوده=ودي يعلمنـي هـوا البـال وش وده
هو بسمة أيام العمر وأجمل وعـوده=يفداه قلبي لو خذا القلـب فـي يـده
دامه معي موجود فالـروح موجـوده=والله ما للروح عـن عالمـه صـده
راضي بتجريحه وعيبـه ومنقـوده=راضي بناره نور عيني دفـا بـرده
أهم شي أنه معي تصـدق اعهـوده=مدام أنـا قلبـي معـه صادقـا وده
ياملحه اللي ينثر الحسن مـن زوده=وش عاد بقا للمماليـح مـن بعـده

المشاركة الأصلية كتبت بواسطة ابونادر الله عليه أن فتـح الـورد بخـدوده=الناعم اللـي خفـت لاتجرحـه ورده الناعس اللي ريّع الكحل في سـوده=ودي يعلمني هـوا البـال وش وده ياسلام على هالرائعة الف صح لسان سمو الامير الشاعر وتسلم على النقل المميز ياسلطان دائما اختياراتك موفقة ..

المشاركة الأصلية كتبت بواسطة الحمــ بو هـجيـر ــيداني دامه معي موجود فالروح موجوده والله ما للروح عن عالمه صده أورنس اختيار ولا اروع وذائقه شعريه جميله