مجاراه لـ عبيد الحميداني

برق الوسم · #1 07-Jul-2008, 12:41 AM

اقتباس:

المشاركة الأصلية كتبت بواسطة عزيز النفس

هذه القصيده مسندها على الاخ برق الوسم

سلام مسك وخالطه عود جاوي = والذ من نقع الصفا غند صافيه
مني لبرق الوسم ريف الفداوي = شاعر يصوغ القاف باجمل معانيه
يومنها كثرت علي الشكاوي = عيني وقلبي كاثراتن شكاويه
عنزت لطيب كلامه يداوي = جرح بقلبي قافه العذب يشفيه
يابرق انا حالي من الهم ذاوي= اذواي نبتن لاهب الصيف مذويه
يلعبي الهاجوس لعب النداوي = الياقام يكسر بالخضيراء جناحيه
اجحد وانا امري يا بن عمي سماوي= جرحن لجا بالروح مبطي وكاميه
يفوق جرحه معطبات الاهاوي = اغرب حدث يصعب على النفس تبديه
اخاف من هرجة ضعوف الهقاوي = شذابت الغافل الياحل طاريه
يغيب فكري مع زمان الهواوي = بين الرجاء والياس تكثر مساعيه
امشي وانا مع الناس كني خلاوي = ماشعر بهرج الناس لو اني اوحيه
الموت عندي والحياه امتساوي = جسمن بليا روح والهم باريه
لولا الحياء لا اصيح صيحة مضاوي= في ماقفن ماكان غالي رخص فيه
عود القناء يسبق سهومه عزاوي=ياقل من ربي من الشلف يذريه
على هنوف في غلاها رجاوي = متمكنن بالقلب شيد مبانيه
حرم عليه من مشايخ فتاوي = في حال صعب وحال عندي وناسيه

يامرحبا ترحيب عودن شفاوي= على وحيده غايبن جاه طاريه
جاه الخبر وارتج والعود ثاوي=وتسابقة دمعة عيونه بخديه
بالشاعر اللي خصني بالدعاوي= شاعر على معناه عرفي مخاويه
لوكان بالمعنى اكبار البلاوي=الله يجيره والسبب وين راعيه
يلعب على المعنى ويمي نحاوي= يجرني والقاف عني مخفيه
بين الجبل وزهور نبت المطاوي=غديت انا وياه في موقع التيه
ان زانت الطرقه دليلي قطاوي= وان شانت الطرقه على الله مساعيه
فكرن يروم اعزوم بعد الهقاوي=ويحركه هاجوس صلف معنيه
صلفٍ على فكر العبيطه حياوي=يلعب طرب والا غضب مع مباديه
ان كانها ياعبيد فزعة حماوي=ابشر بعزٍ يكسر احجاج شانيه
وان كانها هرجة ضعوف القهاوي= الرجل يعرف بالقدم وش مواطيه
شذابة الغافل تكاسي كراوي= هاته ووده بين ذيه وهاذيه
مالك بهم لعلهم باالف هاوي= هرج الردى يرجع على نفس مبديه
وان كانها الدره وشيخ الفتاوي=دلون قطع فيها الرشا من مجاذيه
راحت وفاتت ماقضبت العراوي=وشلون تطرد مقفيٍ راح ترجيه
واليوم مثل الامس ماانت بسناوي=في ديرتن تقطف زهرها وتسقيه
لاترجي الرايح بكثر المناوي= ان راح والا جاك ربي يحيه

اعضاء منتديات الحمادين
السلام عليكم ورحمة الله وبركاته
اخواني الاعزاء 000 انا لااريد المشاركه بهذا المنتدى
ولاارغب بالتواجد فيه00 ليس كرها به ولابااصحابه قد
اختلف مع البعض0 لامور خلف الكواليس 00 والرجه التي تحصل
بالمنتدى ليس بسبب برق الوسم 00 ولاكن لحساسية بعض الاخوان
من وجودي وتقديم سؤ الظن على الحقيقه 00 فاانا اعزم على الرحيل
عدة مراات ويعيدونني لهذا المنتدى بردودهم 0 وسبق ان طلبت من ابو نادر
ان ينوه على الجميع لااحد يلحقني بشئ 0 لازين ولاشين 0 ومن الصعب ان اتحمل مايقال00 انا كنت عازم على عدم الرد وباالحاح من الاخ عبيد الحميداني
واكراما لخاطره نزلت هذه المشاركه 00 التي سوف تكون الاخيره بمنتديات الحمادين00000 ومن اليوم ورايح لايهمني مايقال عن برق الوسم اللي وده يقول يقول00 وعليها مسموح 00 وماطال من شئ سمج 0000 ارجو ان اراكم على خير00 واعتذر عن الردود على هذه المشاركه 00 0000000000
دمتو سالمين 00 برق الوسم

ابونادر · #2 07-Jul-2008, 04:23 AM

اخي برق الوسم

انت اكبر من اي كلام يقال عنك مهما كان وهذا عشمي فيك دائما
والرياح لاتهز الجبال .. وماصار الا الخير ..

والف صح لسانك على هذه القصيدة الجزله او المجاراة لشاعرنا ابو محمد
ولو لم تكن شاعر بهذا المستوى لم يسند عليك القصيدة

وفيت وكفيت يابو وسم .

تحياااااااااتي

اخوك ابونادر

..

#3 08-Jul-2008, 05:38 PM

يعطيك العافيه

**عزيز النفس** · #4 08-Jul-2008, 08:48 PM

صح لسانك

يا برق الوسم

ويعطيك العافيه على هالقصيده الجزله والطرح الرائع

واشكر لك مرورك وردك .. والله يحييك بالمنتدى

واذا اعتذرت تراك بعد عزيز وغالي والله يوفقك وين ماتروح ..

عيد الحميداني · #5 11-Jul-2008, 04:48 AM

صح لسإنكـ
إخـووي برق الوسم علىإ القصيده ويعطيك العإفيه
وإللـه يوفقكـ في دنيإكـ

**غنام العرافه** · #6 13-Jul-2008, 04:22 PM

صح لسان الشاعر / عبيد الحميداني

ولسانك يابرق الوسم

والله يعطيكم العافيه مجاره رائعه ،والله لايهيينكم .

**عزيز النفس** · #7 29-Jul-2008, 02:41 AM

اخوي العزيز عيد الحميداني

خوي العزيز غنام العرافه

يعطيكم العافيه على موركم

وتقبلو تحياتي

بقايا انسان · #8 29-Jul-2008, 09:45 AM

اخواني عزيز النفس + برق الوسم من اجمل الرديات هذه القصائد بينكم والله يعطيكم العافيه ولا تبخلووون علينا نريد المزيد 000000000 تحيااااااااااتي

مقعد الدغيلبي · #9 29-Jul-2008, 02:21 PM

صووت

وصــدى

وشعار

يستحقون الاستماع

لهم

ابدعتووا واجزلتووا

بيض الله وجيهكم

وصحت اللسنتكم

وتقبلوا مروري

الهرمزان · #10 29-Jul-2008, 03:48 PM

اخوي برق الوسم عسى ما شر ليه يا خوي هازعل المنتدى منتداك والكلام اللي ينقال ما عليك من اهله . خل اللي يتكلم يقول اللي عند رضى الناس غاية لا تدرك .

برق الوسم · #11 05-Sep-2008, 01:27 AM

تحياتي للجميع

منورين المشاركه لاخلا ولاعدم لكم ووودي برق الوســـــــــم