ابداعـــــات سعد علوش ... الطرقــــــات ..

[آورنس]

من روائــــــع الشاعر الكبير .. ســــعد علــــــوش ..

((( الطــــــــرقــــآت )))

في الكبد ليعاتها وفي النفس حاجات=حاجات ماهيب برغبـات وشهـوات
ندم على حزن على ماادري شسمـه=اللـي يكلمـك وتكلمـه بسـكـات
ياودي اصرخ من اللي داخلي حيـل=وياودي ماتنبس من الليعـه شفـات
مزحوم تفكيـر ومشـوش وبـردان=وياخوفي من الغضـب والانفعـالات
تعـارك الشـر والخـيـر فيـنـي=يأثـر علـى اتخـاذي للـقـرارت
ثاقب والاحـظ تفاصيـل التفاصيـل=كن البشر عري وعيونـي مرايـات
أفضال ربي علـي واجـد وأفضـل=أفضال ربي علي الفقر وأنكارة الذات
يامجمل الفقـر وأشيـاءه وروحـه=تموت منه تعـب وتعيشـه ازمـات
يعلمـك ضعفـك وبــأن عقـلـك=هو اللي يميـزك عـن الحشـرات
وتعرف بأن هـذا لـك وذا لغيـرك=ولاتفكـر ولاتكـسـر حسـابـات
الفقـر مفيـد وأشيـاءه مفـيـده=ملـيء قـوه قنـاعـه وغـايـات
يمكن لو أن إنك غني تطغى وتنسى=وتطيش وتطوف الخمس الصلـوات
لذلـك الحـمـدلله والثـنـاء لــه=على الفقر والمصايـب والمسـرات
يمكن اني فقير بس مانبـي تبعـي=أجلس ولا أنقاد خلـف الاتجاهـات
وان مااعجبتني قناعات الزمن هـذا=انـا أألـف لتفكـيـري قنـاعـات
شاعر ويسكن فمخي ألـف شاعـر=ماهم بشعـار هاالوقـت التروفـات
اللي يقولون مافـي الشعـر نـادر=وان الشعـراء نفـس المستويـات
لـو انهـم واحـد وبتفكيـر واحـد=كان ماشفت ناقد ولامعجب وشمـات
الله علـى هاالكـلام ومـن يقولـه=الله يقطـع سياسـة هاالمـجـلات
يعني اللي قصيده ملى الدنيا جماهير=مثل اللي يطلق قصده سـرة ابيـات
لامن سمعت القصيـد قلـت هـذي=سمعتها قبل هـذي عشـر مـرات
يشيـل اخـر كـلام الشطـر الاول=ويحطه باخـر الثانـي وخـذ هـات
قـاف متكـرر ولا فكـره ولاشـي=يبني القصيده علـى تفكيـر بنـات
وبه نـوع سـاذج علشـان يتميـز=يصـرخ ويعمـل بيدينـه حركـات
والمـرء عـدو مايجهـل لـذلـك=هاالشعراء يكرهونـي انـا بالـذات
الله يخلينـي لشعـري وأصـونـه=وأحرق به كبود شعـار المسجـات
أجذب بـه أذواق حكـام الجزيـره=وازرعـه فعقـول فتيـان وفتيـات
أركبـه جـن وأمارسـه بجـنـون=وأشبعـه فلسـفـات وإبتـكـارات
وأعلم الجيـل هـذا واللـي بعـده=جودة الاطالـه وفـن الاختصـارات
ووشلون احرث صخر فكري وأخلي=بيني وبين اقرب منافـس مسافـات
الشعر في نظـرة أغلبهـم مصالـح=فلوس وشيـوخ وبنـات ولقـاءات
وفـي نظرتـي رورح وروح حـرة=ماتخضع لشف واشخاص وقياسـات
الشعـر ماتقشعـر لـه الابــدان=ومايسرق مـن الكلمـات الكلمـات
تقـراه فعيـون شاعـر وتحـسـه=يفتح لـه فجلـد يدينـك مسامـات
ردد قصيدي ياجمهـوري وصفـق=وعلمهم ان الغـلا مابـه خيـارات
وتعال نسرح سوى في شي عنـدي=واخاف لاابكي وتبكينـي العبـارات
حزيـن جـداً ومتعـوس وخايـف=أحس كني علـى مهـوى نهايـات
حبيبتـي اللـي أغليهـا وابيـهـا=راحت وقالت بجي وللحين ماجـات
والصبر صبر القلوب البيض وادري=يامصعب الصبر لاقد بـه محاتـات
دمرني الشوق واستنزفنـي شعـور=وتعبت اثبت وجودي داخل اشتـات
تمـر كـل الوجيـه بـدرب عينـي=نفس الملامح ونفـس الابتسامـات
حبيبتـي طاغيـه وبشكـل طاغـي=صديقـة الليـل واجنـاب البنايـات
من ويـن ماافتـر لاهـذا وجههـا=على الطرقات وأضـواء السيـارات
يابري حالي عليهـا بـري حالـي=عليها يابري حالي عشـر بريـات
لأنــي أحبـهـا فـعـلاً وجــداً=ماهي محبـة رفـث ولا اتصـالات
احـس كنـي أخوهـا او أبـوهـا=أدرى عليها مـن العالـم مـدارات
واللي سواتـي يحـب وخايـف الله=يعـرف معنـى معانـات المعانـات
الحزن في بعض الاحيان أزدواجـي=وجميل لاصار من تجنيـب غلطـات
من خلا حاجة لربي عاضـه أخيـر=منهـا واحسـن دبـلات الدبـلات
وانا مابي غيرهـا ولا التفـت لـه=السـيـده لا رجعـنـا للسـيـدات
جعل امها اتوافق ان جيت اخطبهـا=تكفون دعواتكـم يااهـل الدعـوات

تحياتي لكم ..

دمت ودام ابداعك

[غنام العرافه]

آورنس

الله يعطيك العافيه على هالنقل الرائع وتسلم وصح لسان الشاعر / سعد علوش شاعر بمعنى الكلمه والله يوفقه و يوفق الجميع تقبل مني كل التقدير والاحترام ودمت بكل الود .

[آورنس]

ريــــــوف ..


انتي المبدعه لمرورك الرائع وتشريفك لمتصفحي المتواضع . واتمنى ان ينال اعجااابكـ ..


دمتي بالمسارات ..

................................................

غنـــــام العرافه ..


مشكور على الزياره لا خلا ولا عــــــدم فيك يالذيب ..


تواجدك في هاذا الصفحه .. ترك في هاجس الجديد القادم ..



دمت بــــــود ..

تحيااتي للجميع ..

[ابـــوحـــــور]

مشكوووووووووووووور اخوي ارونس على النقل الرائع وهذا ليس بغريب عليك


تقبل مروري تحياااااااااتي

[آورنس]

تحياتي لك يا ابو حور على تواجدك في صفحتي المتواضعه تجااهك يا مديرنا العزيز ..