يشرفني ان اكوون احد المنضمين لهذا الصرح الكبير لقبيله لها معزه في قلبي وهذا ان دل دل على رجولتهم وطيبهم
واحب اشارك معكم بقصيده متواضعه في اخي عبدالله بن مرزوق عبدالله الحميداني المطيري
وعسى ان تلقى لهذا الشخص العظيم القبول وتلقى عندكم القبول
مع اني لو اكتب ماكتب في ابو مرزوق لن اوفيه حقه ومواقفه الطيبه اللي معي
صلو على النبي
قال اللذي يلعب على مابداله=ويعد فعل الطيبين بمقاله
وانا الا مني قصدت انصتولي=اكبار شعار الشعر والجزاله
ماهو غرور ان قلت بأني مصيبه= انا كفيل الشعر وهو العماله
من عقبها دنت هجوسي ياخالد=للي على الطيبه موثق حباله
عبدالله اللي بين خلقه معرب=معربٍ مابين عمه وخاله
من راس بيطارٍ يروم المعالي=أمكرم الضيفان متعب دلاله
أنا أشهد انه بين هالخلق فارق=فرق القمر لما اكتمل عن هلاله
سلم المراجل كلها في يمينه = واحلف واقول ان المراجل عياله
هذا كلامي يوم جيت ونخيته=شال الحمل مني وشال الثقاله
وشلون مايفزع وهو من قبيله=قبيلةٍ من ضدها شان فاله
قبيلةٍ تعرف بحمر النواظر=ياسعد منهم محزمه في قتاله
مطير قانين السلوم الاصيله=قصيرهم في كل الاحوال داله
يستاهلون المدح جالية الضيق= اهل الوفا والطيب واهل الجماله
هذا وانا من لابةٍ دوسريه=وداية الجيره على الضد عاله
وسم العصا في سلمنا ماتغير=تشهد لنا العدوان في كل قاله
على الصديق اخف من ريشة الطير=وعلى العدو مثل رواسي جباله
اختم كلامي وان قصر فأعذروني=هذا قدر جهدي وهذا مجاله
الاخ الشاعر منذر الدوسري
اولاً ارحب بك اجمل ترحيب
فاهلا وسهلا بك
وصح لسانك على القصيده الجميله
وابو مرزوق يستاهل ولاهيب غريبه عليه
وان رجل تستاهل فعل الطيب لانك طيب ومن رجال فيهم خير
انا لااعرفك
ولاكن الطيب مايصاحب الا طيب
قصيده جزله
ويامرحبا بك يالدوسري
ننتظر جديدك
دمت بخير
__________________
الادمي لولا المكارم والاخلاق=كالحنظله من ساسها لاورقها
نورت المنتدى بوجودك وانظمامك معانا
ونتمنى اننا نستفيد منك وتستفيد مننا ونشوف كل جديد منك ..
ويسلموا على القصيده اللى حطيتها !!!!!!!!!
__________________
اذا كان فى يوم أسأت لكـ متعمداً او من غير قصد ،،فانى اطلب منك السماح،
اللهم انى سامحت كل من أساء لي فى حضوري او غيابى لوجهك الكريم...
