دعوة للشباب

عزيز النفس · #1 27-Jun-2008, 07:45 PM

سلام مني للشباب=الذ من غندالحليب
واثنيه لتلعات الرقاب=اللي لهن قلبن لبيب
انا انتظر رد الجواب= كلن حسب عرفه يجيب

ابونادر · #2 27-Jun-2008, 09:03 PM

هذي محاورة والا نقل يابو محمد

صح لسانك للابد

ودمت .

.

جدتهم ومنقدتهم · #3 28-Jun-2008, 01:10 AM

عزيز النفس

الله الله

والله انت سندتها على الشباب والا تسان ارد عليك

..مير احرمك الله ابداع العجيزز

<<<ترى ماتفقه بالشعر لون

بقايا انسان · #4 28-Jun-2008, 09:26 AM

بعداد ماهل السحاب === يامرحبا ياغلى صحيب

المعذره ياعزيز النفس عصرنا المخ وهذا اللي طلع ههههاااي < < مخضرم

0000000 تحياتي

الغنــاوي · #5 28-Jun-2008, 04:33 PM

ياهل القنا ياهل الركاب = ردوسلامي للصحيب
شايب ولو قلبه ماشاب =ألين من الغصن الرطيب
عينه على كف الخضاب = وعيني على جمر لهيب

دمت بكل الود شاعرنا الكبير ابومحمد

**ابو عبدالله الحميداني** · #6 28-Jun-2008, 07:38 PM

دعوة للشباب نعم اظن ابو محمد يلبي دعوتي له ولابونادر ان يعطونا قصيدة نصح وتوجيه للشباب ويشمل الاخوات ايضاهاذي القصيده واتمنى تحوز على اعجباكم قصيدة اجتماعيه رائعه

هذا بنات اليوم برقـع وجـوال ... والعبايـة كتـف هـم يلبسوهـا

والراس فوق الراس طرحه مع الشال ... حتى الخصال الطيبة افقدوها

يوم البنات اللي غدٍ سبت إهمال ...ويوم السبايـب أهلهـا هملوهـا

الأم نامت والابو صار تمثال ...والبنت راحـت ويـن مـا يسألوهـا

بالليل تسهر بين هاتف وجوال ... والا على دش الفلـس سهروهـا

اقفاي هي ما بين الأسواق وإقبال ... بلا غرض راحت ولا انشدوهـا

اللبس تلبس كل ما يطرب البال ... وفلوس لو تنقص عليها عطوهـا

من شافها باللبس يا ساتر الحال ... يسبهـا ويسـب مـن خلفوهـا

كومة لحم وعيون والرمش قتال ... ويلا مشت كل الشباب اتبعوهـا

هم ما دروا لون البراقع بتنشال ... ونشوف وش تحت البراقع خفوها

يرتاح من صابه من اسبابها هبال ... ويشوف والله من عيونه هووها

وين البنات اللي بهم تضرب امثال ... ليت السلوم الطيبة ما تركوهـا

البنت زين البنت لا زانت الحال ... ما هو بلبـس ولا علـوم خذوهـا

وين المراجل ما بقى غيره ارجال ... ليت الشوارب واللحى حلقوهـا

اللي على عاره رضي الذل ينقال ... ليت الكرامـة ليتهـم يرفعوهـا

ما عاد ينفع قول فيها ولا قـال ... لا الأم والله ولا الأبـو انفعوهـا

اصبح ضياع البنت بسباب جوال... البنت ضاعـت والأهـل ضيعوهـا

وسلامتــكم
منقووووووووووووووووووووووووووووووووووووووووووووووو ووول

عزيز النفس · #7 04-Jul-2008, 03:55 AM

الاخ العزيز ابو نادر

القصيده الشباب فقط

انت رئس الجنه تقبل تحياتي

عزيز النفس · #8 04-Jul-2008, 04:01 AM

الجده الغاليه يابعد راسي هاذي اللشباب

يعطيك الف الف عافيه تقبل تحياتي

عزيز النفس · #9 04-Jul-2008, 04:12 AM

الاخ العزيز بقايا انسان

[color=#32CD32]صح السانك انت شاعر بس مخفي نفسك[/
color]

في انتظارالجديد

تقبل تحياتي

عزيز النفس · #10 04-Jul-2008, 04:17 AM

الاخ العزيز الغناوي

اشكرك على الكلام الجميل تقبل تحياتي

عزيز النفس · #11 04-Jul-2008, 04:29 AM

الاخ الغالي ابو عبدالله

عزيزي انا مستعد اشارك بنصيحه وتسلم على

النقل في هذي القصيده الجزله تقبل تحياتي

ابـــوحـــــور · #12 04-Jul-2008, 01:54 PM

اخوي عزيز النفس مشكور على القصيده الجزله

ابوعبدالله القصيده معبره عن واقع نعيش ونسأل الله العفو وان يصلح بنات المسلمين