| الولد وان طاب طيبه في خواله \ راشد ابن الذيب
لقد مر عليكم البيت وهو والولد وان طاب طيبه من خواله واختلفت الاقوال على ان قائل هذا البيت هو راكن بن حثلين ولاكن المعلومه خطأ فقائل هذه الابيات هو راشد ابن الذيب رحمه الله والد الشاعر محمد بن الذيب العجمي الملقب بالابهق طبعاً كان ابوه سعودياً قبل ان يذهب إلى قطر وكان يشتغل في شركه ارمكوا السعوديه وكانوا معطينه سياراه فكان يركب العبريه ولا ياخذ منهم فلوس او اي شي اخر فقط بيتغي الجماله وهذه البيات كتبها في قمه الروعه وهي من افضل الابيات لدي وارددها دائماً ولكم القصيده :
قالها إبن الذيب من هاجوس باله=..كلمةٍ يلعب بهـا والبـال زينـي
قالها يومه طرالـه مـا طرالـه=.من هواجيسٍ تشيب المرضعينـي
غرّني بعض الرجال بكثر مالـه=مادر ى إن الموت في حبل الوتيني
كيف ينفعني وبعض الناس خالـه=ما يدوم البيت كان الساس طينـي
ماش وين اللي عوايـده الشكالـه=مثل إبن ظافر حمد ليته يجينـي
الثنا والجـود دايـم فـي خيالـه=علّمـه ظافـر سلـوم الطيّبينـي
جـوّد العليـا ولزّمهـا عيـالـه=.و أدركوا من علمته دنيـا ودينـي
واهني من باع حظّـه وإشترالـه=سار في درب النبي وأخزا اللعيني
موقفـه ماكـل رجّـالٍ ينـالـه=ومن بغا ممشـاه يقعـد مرّتينـي
وكم ذبح من حايلٍ من حر مالـه=وعادته لطمة خشـوم العايلينـي
حالفٍ ماخذ على الطرقي ريالـه=وبالثلاث محرّم إنها مـا تجينـي
لا لقيت اللي على السكّـه لحالـه=يلتفت ويقول : وين المستحينـي
أوقف الموتر حيا وأبغا الجمالـه=.يوم ولد اللاش وجهه مـا يلينـي
والطمع في كرّوة الرجلي رذالـه=خصّ به وإن جا مجال الغانميني
والردي في حالةٍ ماهيـب حالـه=يا عوينه مـن كـلام الطيّبينـي
الولد وإن طاب قالوا : من خواله=بالخوال يسـال قبـل الوالدينـي
وأركبه لعيون مـن زيـنٍ دلالـه=ما تحاكوا في قفـاه الرامسينـي
ما بغى غيري وأنا مابغـا بدالـه=قاعدٍ لي بالرجـا مـدّة سنينـي
ما قعدنا فالعمـل نبغـا الرزالـه=ناخذ العليـا طريـق الفايزينـي
وأشرب الفنجال وأكـب البيالـه=تابـ عٍ سلمـي سلـوم الأولينـي
الله يرحمه وصح لسانه
لكم خالص تحياتي اخوكم ابن جمهور ...
__________________ ماقل دل وزبده الهرج نيشان !!! والهرج يكفي صامله عن كثيره [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] الذيب كانه ذيب يدرع بالذياب !!! يخلي الخرفان للسبع العويق
التعديل الأخير تم بواسطة ابن جمهور ; 26-Jun-2008 الساعة 03:33 PM.
| 
