| قصيد للشاعر فلاح بن مبرد لم تنشر وارجوو من الاداريين ارفاقها بالديوان
اخواني احببت ان انقل لكم هذه القصيده التي لم تنشر
وارجوو من الاداريين ارسالها الى ديوان الشاعر
يــاالله يالـلـي بـامـرك الــرزق مكـتـوب=عــلام مـامـن دونــك احــدٍ عـلـى بــاب
يامن علـى امـرك غالـبٍ مانـت مغلـوب=يـابـالـغ الـحـجـة عـلــى كـــل مــرتــاب
في ((كن)) تكون بامرك الكون محسوب=قــدرت واحـصـيـت المخـالـيـق بـكـتـاب
ماينـتـخـفـى دونــــك الــســر بـغـيــوب=ولا تختـفـي عـنــك المخـالـيـق بـغـيـاب
يامـنـجـيٍ مـوســى ويامـشـفـي ايـــوب=يامهلـكٍ جيـش ابرهـه بـاردى الاسبـاب
يـاحـافـظٍ يـوســف ولاطـــف بيـعـقـوب=عقب الحـزن شـم الفـرح والنظـر طـاب
يـاواســع الـرحـمـه ويـاقـابــل الــتــوب=يـاصـاحـب الـفـرحـه بـعـبــده لـيـاتــاب
ياملتـجـاي لـيـا انـقـطـع كـــل مـحـبـوب=وحـيــد مـافـيـه انـتـسـابـات وانــســاب
وســدو عـلـي بحـفـرةٍ سقفـهـا طـــوب=وحطـو علـى لبـن اللحـد طـيـن وتــراب
رحمـتـك لاجيـتـك وانـــا كـلــي ذنـــوب=مستسـلـم مـالـي عــن الـحــق مـجـنـاب
وقـدمــت لـلـديـان والــديــن مـطـلــوب=وعـلـي مـــن خـلـقـك شـهــودٍ وكـتــاب
فـيــك الـرجــا ياملـتـجـا كـــل مـكــروب=ياناصـرٍ عبـده عـلـى جـيـش الاحــزاب
يـاالله بنـورك لاصبـح الـنـور محـجـوب=لامـن نـور الشمـس عـن ناظـري غـاب
التعديل الأخير تم بواسطة راعي الصفرا ; 26-Jun-2008 الساعة 11:18 AM.
| 
رد: قصيد للشاعر فلاح بن مبرد لم تنشر وارجوو من الاداريين ارفاقها بالديوان 
