تكرهوني ليش ؟ عطوني جواب= خلو البنت اللطيفه تستريح
يكفي اللي صار وانا ادري اعجاب = يوم بعض الناس من شعري جريح
كل شاعر حطو بكفه خضاب=لأن شعري مانقص عنه المديح
ماكتبت الشعر وانا منه اهاب=اعرف الجزله واعرف اللي يطيح
خابره وش عزيز النفس جاب=وخابره شقران رده صار ميح
مير ساد الصمت للمعنى وذاب =وانتهى مفعول شعرك يامليح
المصيبه رد شاعر مايعاب=يحمل الاسم الحقيقي والصريح
رد ردٍ فيه للبنت ارتياب =ولامها والبنت من لو مه تصيح
صار كل الحلم والدنيا سراب = مع فنون الشعر يالشعر الفصيح
مير دوكم يالشواعير الكتاب= فيه زبدة من شعر ماهو لتيح
ماعشقت الا مروين الحراب = الرجال اللي يشيلون الطريح
شروا من خياله في عيوني مايغاب= مادرا اني شاعر واكتب واسيح
مير خلو ها ويكفي ياشباب=والحقيقه مايصح الا الصحيح