هويتك يا سراب اللال لا حل برباك السيل = وصرت اطرد خيال منك لا ظاهر ولا خافي
هويتك سكة فيها مشقات تهد الحيل = سريت ابها بظلما الليل مجروح القدم حافي
حديتك يم ظلما الليل وانتي تكرهين الليل = وفارق شوقي الغفوه سبايب شوقك الغافي
هويتك فارس مغمور وانتي من خيار الخيل = رفع عرفك عنانك واعتلا عن عادة اعرافي
هويتك بالبسيطه واعتليتي فوق نجم سهيل = حكم بعدك على مقصودي الغازي بالانكافي
حسبتك يانع غرسك تجيبك رمية المنديل = وذا المنديل عاد امع الخفوق ارباع ونصافي
ديارك ترفض الحل وغرامك يرفض الترحيل = عرينك والحمى محظور ما يلفي به اللافي
هويتك عاشق الانصاف في سوق يقيم الكيل = ولكنــك جمــحتيبي لسوق مابه انصافـــــي
لقيت الغدربعيونك لقيت الكذب والتضليل = تروم وترمي الموعد وراء الموعد ولا تافي
شكيت الميل من غدرك وردك صار عين الميل = حكمتيني بسيف الظلم والقسوه والاجحافي
هويتك عاتين موجك عزيز يرفض التذليل = جنحبي عن شفا المرسى وحطم كف مجدافي
هويتك بالغلا مسرف هويتك بالصدود بخيل = تجاوزت الكرم كله ولا كفاني اسرافي
هويتك وامتنع عقلي عن التمييز والتفضيل = تربعتي على عرش الموده والغلا الوافي
تجول اجيال بعد اجيال ما جارا جمالك جيل = ولا يبرز شبيهك كامل في كل الاوصافي
الا يازهرة الريحان شوقي مع شذاك يميل = نزف جرحي على اشواكك وفيك البلسم الشافي
خذيني للجمال اللي فطره الله بلا تجميل = اذا هب النسيم وماج شلال اشقر ضافي
من الديجور يجذبني على الخدك سناء القنديل = شعاع النور من وجهك يشع بسبع الاطيافي
شتاي ارخى سدوله من ثمان كالبرد ذبيل = خذيني يا شعاع الشمس صوب المرتع الدافي
هداني لك حسين الزين واهديتك حسين القيل = وسقت القاف مع همي وسقت الهم مع قافي
فلا زودت في حقك ولا طاوعني التقليل = ولكن تاه شعري في غياهب نجل الاطرافي