هيه ياللي من عذابك ترسلين وتشتكـين=لاعك اللي لاع قلبي في رحيله وانـكـوى
انا مـثلك يالعــزيزه لاعــني خـــلٍ لـعــين=باع حـبي يوم قـلـبه بالغــدر فـيني قــوى
اتركـي عـنك المـقـفّـي كـان ودك تسعدين=وش يفـيدك يالعـزيزه دام بالفـرقــى نوى
ناظـري زهـرة شبابك لاتضـيعها السـنين=والسعـاده فـي يدينك. داوي الـداء بدوااء
داوي الحـب بقناعه كـان نفسـك تفرحين= فـيه ناس يقـدرونك والـبشر ماهم سوى
ناظري شخصٍ يودك عايشٍ مثلك حـزين=شاف اسمك والقبيله والأصل فيك اهتوى
مـد لك يمنى وفـيّه ,مـدّي له يدك اليمين=اجـمعي هـمّـك وهـمّـه وانثريها بالهوى
اتركـي عـنك المـقـفّـي وافرحي لاتزعلين=وان رجع يبغى ودادك قوليله مالك لـوى

ياتافه الناس تبطي ماتجي قدي=لاكبرت السالفه دمعتك مذروفه
ماتعرف الهزل يالتافه من الجدي=ماتدري ان البلد بالليل محيوفه
خلك بعمياك مع هاته على ودي=والياقربت الخطر غنيت معزوفه