انا حفيت من راس الطويلة عراقيبي = اليا جيت أبقعد في غبا الخد ماداني
ذعاذع هبوب النود تقبل وتوميبي = كما أوماي ريش ٍ ناش بله ابعيداني
على اللي عليه قريباتٍ محاظيبي= تشيل الزعل نفسي لمن عنه ينهاني
مادامه عزوبي لو جفوني معازيبي= حرام ٍ علي مرافقة واحدٍ ثاني
عشيري بعيد ولاتجيه المناديبي = ونا عنه قفت بي ظعون الحميداني
غدالي عشيري من كبار العواقيبي = مثل راع الأشعل يوم عاقب دبياني
الا يا حلي اللي زهت بالدباديبي = زعاعة فتاةٍ ما بعد جت بحيراني
اليا جا على الصمان نقع وتشاريبي= ترزَّم تبي درهامةٍ قبل الاذَّاني
نهار المارا تنتحي بالجناديبي= يجيها على الهوبال خفخاف وجناني

الادمي لولا المكارم والاخلاق=كالحنظله من ساسها لاورقها

ياتافه الناس تبطي ماتجي قدي=لاكبرت السالفه دمعتك مذروفه
ماتعرف الهزل يالتافه من الجدي=ماتدري ان البلد بالليل محيوفه
خلك بعمياك مع هاته على ودي=والياقربت الخطر غنيت معزوفه

لابتي يـوم نادانـا فـلاح=مايسده عن الوقفـه عـذر
ياسلاليل مرويت الرمـاح=عبروها ولـو متـو فقـر
لاتصيرون بالمده شحـاح=قافن الادمي موت وقبـر
صوتو للمطيري بالنجـاح=خص لاصار له شان وقدر
قرب الوقت والمطبوخ فاح=مابها ياهل الـرده صبـر