من شعراء الحمادين القدامى
الشاعر سحمي بن مرزوق بن بارود الحميداني يرحمه الله
~*¤ô§ô¤*~*¤ô§ô¤*~
انا حفيت من راس الطويلة عراقيبي = اليا جيت أبقعد في غبا الخد ماداني
ذعاذع هبوب النود تقبل وتوميبي = كما أوماي ريش ٍ ناش بله ابعيداني
على اللي عليه قريباتٍ محاظيبي= تشيل الزعل نفسي لمن عنه ينهاني
مادامه عزوبي لو جفوني معازيبي= حرام ٍ علي مرافقة واحدٍ ثاني عشيري بعيد ولاتجيه المناديبي = ونا عنه قفت بي ظعون الحميداني
غدالي عشيري من كبار العواقيبي = مثل راع الأشعل يوم عاقب دبياني
الا يا حلي اللي زهت بالدباديبي = زعاعة فتاةٍ ما بعد جت بحيراني
اليا جا على الصمان نقع وتشاريبي= ترزَّم تبي درهامةٍ قبل الاذَّاني
نهار المارا تنتحي بالجناديبي= يجيها على الهوبال خفخاف وجناني
اخوي عزيز النفس
فيه خطاء بسيط في شطر البيت الخامس
اللي يقول عشيري بعيد ولا تجيه المناديبي
والصحيح
وقف سلم خلي ماتجيه المناديبي
ومعنى كلمة سلم
هو المكان اللذي يجتمعون فيه الناس اللذين يرغبون السفر
ويقال لها الماقفة
ويقصد بالبيت انه لايوجد احد سيسافر الى دار خله لكي يرسل معه رسالة
لانه يقول ماتجيه المناديبي
رد: من شعراء الحمادين القدامى 
