ياحسين ود موثق العلم وده=وده لابن مبرد زبون المهاجيف
ذربٍٍِ حدود الكايده ماتحده=حتى يعسف عاصي الحرف تعسيف
يبتع بنظمٍٍِ قاطع كن حده=حد الصقيل من السيوف المراهيف
ابد بسلام نيته مجرهده=سلام الطف من نسيم الشفاشيف
ثم بلغه بحشودنا المستعده=على ظهور المسرجات المشاعيف
نوادرٍٍٍِ لاهل المعاني معده=ومنقده قدام نقد العواريف
ناوين فعل كل حي يعده=العمر راح وصامل الفعل ماشيف
وذي فرصة الي دوب شد الاشده=يوم الشيوخ من المغازي مناكيف
لاشك مانرضى من الشوخ ضده=شوخ تحد الضد للهيف والحيف
وش جابكم يااهل العلوم المرده=يمة شباب للبطوله ملاهيف
وانتم هل الطولات في كل هده= وتاريخكم ماهو بحاجة لتعريف
افعولكم في عصوركم مستبده=واعلامكم تطرق بروس المشاريف
يابو بدر شاورت واحترت مده=وخليت شور مكسرين المجاديف
واخترت اجيك وجيتك الكف امده=والذيب ماتعدم عليه المحاريف
المنطق الي تستحي منه بده=تعال نرفا عن بعضنا التخاليف
ان فزت وانت الفورز لاشك قده=واخذت لك موتر وسيف ومصاريف
عطني سويك الروز لارحم جده=وانته تكفيك المصاريف والسيف
روز تقول الليث خشمه وخده=عليه من شارات وجهه تواصيف
عطني سويكه ماانت راعي مكده=ولا انته معرض به عصير على السيف
يقوله الي مالي الشكر سده=على اختيار اسمٍ على النايف منيف
اسم نوده ونتشرف بوده=يسقي ثرى قبره مزونِ مراديف
رمزِ توديه السنين وترده=ماتدهم اثاره ذوار العواصيف
لله در الي جمعنا نمده=مما تجود به القلوب العواصيف
فايز وهو فايز بجهده وجده=سدد واصاب موكد الرمي هديف
والشكر موصول بجزره ومده=للداعمين اهل السخا والمعاريف
يااكبارنا مقصودكم وش مرده=غير الوفا وسط الضلوع المهاديف
اسم السديري ومالكم عنه صده=دام الوفا فيكم غصونه مواريف
هذا وانا اعتابي مزوح وموده=والا توجدكم لنا فيه تشريف
غصون وفكر وعلم واداب عده=شجرة حيا ماعمرها اخطت من الصيف
ولو لا غصون الشجرة المستشده=ماشفت فوق الغصن تشمخ غضاريف

صح السانك ياراعي الصفرا ويستاهل ابوبدر



تقبل مروري يالغلا

صح لسان الشاعر
وابـــــــوبدر يستاهل

وتسلم يدينك على النقل