قال الشاعر المعروف مفرح الضمني المطيري هذه القصيدة في المقدم بداح بن محمد دهيم الغييثي الدوسري مدير مركز العارضية (دولة الكويت) بعد ما رآه منه من مواقف طيبه.
قال الضمني:
ودك الى راجعت مركز حكوم=ـهتلقى مديره بالعمل كنه( بـداح)
(ابن دهيم) اللي تنومس علومـه=تجيه ضايق بال وتروح مرتـاح
طيّب ونفسه للمراجـع رحومـه=بالطيب علّق له نياشين واوشاح
واليا لبس تاج الشرف مع نجومه=تفتح لك الابواب من غير مفتاح
من لابةٍ عند الرجال امحشومـه=(اولاد زايد) مهدية غال الارواح
لاجا نهارٍ فيـه بيعـه وسومـه=تعرف مواقفهم الا صاح صيـاح
اقولها والطيب تعـرف سلومـه=على النقا ما هي هرابيد مـزاح
وقد رد على الضمني الشاعر:ناصر بن محمد دهيم الغييثي الدوسري أخو المقدم بداح
يامرحبا باللـي يشـرف قدومـه=مفرح الضمني له انزف الافـراح
من لامني فـي حبـه الله يلومـه=الشاعر اللي كنـه البـرق لا لاح
كن القوافي في يديـه امحكومـه=عزيز نفـس وللنواميـس مـداح
يامـادح كحيـلان هـذا لزومـه=في خدمة اللي مثل شرواك ماشاح
لجل الوطن يبذل وتقوى عزومـه=كسب النعم تسوى ملايين الارباح
الطيب بين اهل الوفا الله يدومـه=ومثلك يابو فيصل به الطيب ماراح
امعرب الجـدان وامطيـر قومـه=خيالهم يقبل على المـوت نطّـاح
يوم الزمن قاسي وزادت سمومـه=افعالهم تشهد لها علـط الارمـاح
من حط حمران النواظر خصومـه=ماله مع اهل العز قيمه الى طـاح
كل الشكر للـي يشـرف قدومـه=مفرح الضمني له انزف الافـراح
الشاعر الكبير مفرح الضمني وناصر بن دهيم 
