ياصاحبي والله والله منساك = لين النصيبه تركز فوق راسي
لحل عندي يا هوى البال طرياك= تجزي عيوني عن لذيذ النعاسي
أورتني يا صاحبي حوض الأدراك = خليتني ما بين فكر وهاجاسي
وان كان تهواني مثل ماني أهواك= ترى الغلا والحب ما فيه باسي
مطلوبنا رشحت عطش من شفاياك = تخضر عروق القلب عقب اليباسي
غير الرجا في رحمتك كيف ابقواك = من ناس وانته من مقاديم ناسي

الله من دمع ٍ عيوني تزجه = وشوف تالي دمعها دم لاكج
على وليف ٍ تل قلبي ورجه = اصفر عفر مملوح في وصفه أدعج
لولاه ما حفيت القدم يوم أسجه = ربيع قلبي لا تبسم تغنج
ولا سم حالي مثل ريحا تنجه= وخده كما برقاً بالاظلام يلعج
والعنق عنق اللي رتع عقب هجه = ريماً عقب ماهج عن مرتعه سج
اقفا وخلاني على غير حجه = لا جاه مني شي والزين محتج
وغديت أنا والقلب عقبه ابصجه = وعليه عيني دمعها قام يزعج
عليه دمع العين قامت تكجه = وقلبي ابشلفا ذياب يطعن ويلخج
عقبه ضميري كل هاجس يلجه = وان جيت عذله قام يزداد ثملج
اجاذب الونات والصدر افجه = ولابدها عقب العسر ما تفرج
يا ابو محمد صاحبي وين وجه = والله ما ادري عقبهم وين ابنهج
اقفا على جمس ٍ كما المزن عجه = واتلاء العهد يوم ٍ سمك خلفه العج
وعزي لمن غبر الليالي تضجه = وراع المحبة بالخطر لو تعلج

كــــــلاً يوقع على كيفه ومطلـــوبه = وانا ابي أوقع على كيفي ومطلوبي
يـــالله وأنـا طالبك ياغـافر التو بــــــه = طـالبك ياربي تغفر لي من ذنــــوبي

color=4B0082]عزيز النفس الله لايهينك على هالنقل لشاعرنا الكبير ابو محمد وتقبل كل احترامي[/color]

من لاينال المرجلـه فـي شبابـه =ماضنتي يلقا المراجل ليـا شـاب
كل" على الطالات يشعـب ركابـه =ولافيه شي" غير في بذل الأسبـاب
إليـا أذن المـذن عليـك الأجابـه =وصل الفرايض وأسجد لرب الأرباب

عليه دمع العين قامت تكجه وقلبي ابشلفا ذياب يطعن ويلخج عقبه ضميري كل هاجس يلجه وان جيت عذله قام يزداد ثملج اجاذب الونات والصدر افجه ولابدها عقب العسر ما تفرج