ياالله إنك ترحم العين من شي تشوف =ويالله إنك ترحم القلب من ضيق الصدر
ياولي" بالشدايد ميسر للظروف = فزعتي لاصار مالي مطير ولا مفر
ضيق الخاطر غزال"جميل وفيلسوف = نعنبوها صادفتني بكوريش الخبر
جادل" فيها الحلا ماتوصفه الحروف = وآعذاب القلب من شوف براق النحر
لامشت تمشي على هون وتهز الكتوف = أتدلع بالخطا وأتغطرس بالكبر
زينها وهبه من الله وللعاشق تلوف = كل مافيها حلا من شعرها للظفر
ماقدرت أستحمل وقلت لحظه يالهنوف = وقفي وأرجوك لدي عليه بالنظر
ليه قلبك قاسي" لايود ولايروف = نعبوا دارك حجمتي على كل البشر
في عيونك خيل مع حرب مع سلة سيوف =أنتي الفتنه على الناس وأسباب الخطر
لامشيتي صاروا الناس مع جنبك صفوف = الخلايق لامشيتي يشوفون البدر
العيون السود والعنق وأطراف الردوف = والشعر ليل" على الصبح غطى وأنتثر
ترسلين سهوم عينك على عباد" ضعوف = مالهم حيله ولا حل ياكود الصبر
مير سوي بالأوادم جمايل ومعروف = لاتجين ولاتمشي على شاطي البحر
مير جعلك فدوة الي على قلبي تحوف = جادل" في وسط قلبي غلاها مستقر
مايزعزع في غلاها هبوب ولاعصوف = مسهرتني عن لذيذ الكرى لين الفجر
ياعساها سالمه من مقادير الصدوف = بهذلتني مير أبا أطلب من الرب الأجر
تلت القلب المعنا وزادت بالجروف = والسبايب كلها سبة القلب الخضر
وصفها ماينتوصف بوصف من الوصوف = ويش أوصف ويش أبى أقول طلة قمر
جادل" في حبها همت والحب معروف = من مشى درب المحبه يبى يلقى العبر
ياحبيب" فيك قلبي مولع ومهروف = ياعسى يفداك يازين سكان الخبر

ترسلين سهوم عينك على عباد" ضعوف =مالهم حيلـه ولا حـل ياكـود الصبـر
مير سوي بـالأوادم جمايـل ومعـروف =لاتجين ولاتمشي علـى شاطـي البحـر

ياتافه الناس تبطي ماتجي قدي=لاكبرت السالفه دمعتك مذروفه
ماتعرف الهزل يالتافه من الجدي=ماتدري ان البلد بالليل محيوفه
خلك بعمياك مع هاته على ودي=والياقربت الخطر غنيت معزوفه

رمانة القلب محرقها أنت بعيونك = وإلا عراويه قاضبها أنت بيدينك
يابعد فرقك على ناس ٍ يمارونك = لو يوزن الزين مالت به موازينك

الادمي لولا المكارم والاخلاق=كالحنظله من ساسها لاورقها