قصيدة/ الشاعر القدير.. معزي الشلاحي
بيتين لاكن مثل ظـرب الصواريـخ=اللـي توجـهـا وزارة دفـاعـي
شبيهة اللول انتي ابنـت مطانيـخ=شاعر وميز هرج بنـت الشجاعـي
رابيك شيخ وله من المجد تاريـخ=ومعقبـك عـودٍ طويـل الذراعـي
أن كان منتي طالعه من ظهر شيـخ=شلت الشنب يامطر وقطع ذراعـي
وقولو علي معزي اخبيـل ودليـخ=ويجيب له هرجه على غير داعـي
قلته وانا واثق وراهن على الشيـخ=عاجل شبيهـة اللـول للاطلاعـي
ردي المتواضع
على قصيدة اخي الشاعر الكبير / معزي الشلاحي
حي القوافي يوم جتني علـى ايـخ=محبوكةٍ والعجز صخّر على آعـي
من راس شاعر نوّخ القاف تنويـخ=زين المعاني جات لـه بأنصياعـي
اقبل جوابي جاك مثـل الصواريـخ=من راس حرّه ماتعـرف الخداعـي
ماعاقت لسانـي قوافيـك ياشيـخ=غطت عليهـا خبرتـي واطلاعـي
خليـت قيفانـك تعـوّد مـداويـخ=ولـو اجتمعتـو مالويتـو ذراعـي
اسمع جوابـي وافـيٍ دون توبيـخ=اقبل وصدرك خـل فيـه اتساعـي
الحر فرخه حـر ماهـوب بفريـخ=مـا يبتلـش لاقفلـن المسـاعـي
ما عاش في المطران ناقص وبربيخ=وما بيننا ياصاح صانـع وراعـي
اما ولـد فـارس وألا ولـد شيـخ=ولا عقيـد القـوم ولا شجـاعـي
مطران حمران النواظـر مطانيـخ=للمجـد نقـدم كلنـا بأندفـاعـي
تاريخنـا مايشبهـه اي تـاريـخ=مطران حنا اهل الطعون الوساعـي
يوم المغازي واللقـاء والمناويـخ=صرنا على العدوان سـم الأفاعـي
فرق المسافه بيـن أرضً ومريـخ=نفرق عن فعول القبايـل جماعـي
ماهمنـا مـن زورو بالتـواريـخ=على الحثالـه مانعيـر استماعـي
القافله تمشي ولـو ينبـح الذيـخ=عـن المهايـط طبعنـا بارتفاعـي
تمت وجتكم واقبلوهـا علـى ايـخ = واعلن بعدهـا للجميـع امتناعـي
اختكم
شبيه اللول
ما عاش في المطران ناقص وبربيخ 
