على رعشة ظما جيتك .. أبي نظره على حالـي
أبيك تشوف محبوبك .. كيف ان القـدر خانـه
أجيك وكلي ياصغري .. وقلب من الكبـر خالـي
وأحاول قـد مـا أقـدر .. أدور للرضـا خانـه
آنا لو قلت آنا أحبـك .. وحبـك مشغـلٍِ بالـي
تصفق لي عروق القلب .. تغني لي على ألحانه
آخاف آطيح من عينك .. بعد ماكنت آنـا غالـي
آخاف آكون ذاك اللـي .. فقـد ربعـه وخلانـه
آخاف أني أصوّت لك .. وآصيح بصوتي العالـي
وآخاف أنك تجاهلني .. وتنكر قلبـي واعلانـه
آنا وشلون أسولف لك ..؟ وأعبر لك عن احوالي
عطني فرصه وازهلها .. أخلي الدنيـا رويانـه
قلوبٍ ترتجي وصلي .. وآنا أكبر منها بوصالـي
أبيع قلوب حبتني .. وكـل هـذا علـى شانـه
انادي له حبيب الروح .. تعـال وخلـك قبالـي
تعال وكلي سميتك .. ( عقد لولـو ومرجانـه )
تعال وننسى دنيانا .. ونسكـن برجنـا العالـي
ونكتب للحزن فارق .. ماعـاد لدمعتـك خانـه
تفضل دامني خيلـك .. حبيبـي وانـت خيّالـي
قصيدة عشق سميتـك .. وقلـبٍ ياكبـر شانـه
حبيبي لو تناسيتـك .. أمانـه منهـو يبقالـي؟
بشر ماهمهـم قلبـي .. بشـر والدنيـا خوّانـه
هذاك بيفرح لموتـي .. وذاك بيشمـت بحالـي
قلوبٍ ماتعرف الحب .. علـى هالدنيـا غلطانـه
حبيبي لو بغيت الموت .. أبيـك تكـون قتّالـي
بشرع الحب آنا مسامح .. أذا هالدنيـا زعلانـه
ولو ماودك بموتي .. أكـون بسجنـك أحلالـي
سجينك من وسط سجنـه .. يناديلـك ياسجّانـه
أحبـك يالغـلا دامـك .. بقلبـي الأول التالـي
طيري في سما صـدرك .. يرفرفلـك بجنحانـه
أبيك تعيشني قصـة .. قبـل موتـي وترحالـي
قبل لايندفن شوقي .. مـدام كفوفـي عطشانـه
حبيبي طالبك طلبـه .. اذا وصلـك تهيّـا لـي
ترا عمر الزمن جافي .. ولو ضمتنـي أحضانـه
أبيك تضمني حتى .. تشـوف أنـه هـدا بالـي
وأذا حسيت في روحي .. تراهـا حيـل ولهانـه
أبي أغفى على ثغرك .. وأذوب بريقك الحالـي
وأذا صحتني مزونك .. تراها الـروح سكرانـه
أبي أقهر قلوب البعض .. ومنها قلـوب عذّالـي
أبي أدبل كبود اللي .. بغـت حزنـي وعنوانـه
أبي لامنهم دروا عنك .. ترفـع حاجبـك عالـي
رجيتك أسكت وطالع .. هذولا نـاس مرضانـه
فديت حجاجك ورمشك .. فديت الطيّـب الغالـي
فديت أسمك ,, أذا أسمك .. اهو قافي وعنوانـه
اختكم
سمو الاميرهـ
آخاف آطيح من عينك .. بعد ماكنت آنـا غالـي 
