وأسرف أسرف لارحم حيّك وميتك/ /مدغم ابوشيبه

[(((بـــــن 2الرويــــل)))]

((مدغم ابوشيبه))


لايغرّك حجب دمعي عن ظهـورة
لاتقول أنّي سليتـك .. ماسليتـك


دايم أستر دمع عيني ستر عـورة
والاّ أنا يامـا تضايقـت وبكيتـك


أوّله يوم الغـلا فأربـع شهـورة
وآخره في يوم جيـت ولا لقيتـك


أعتبر مسياري لجارك.. ضرورة
لجل أوقّف موتـري قـدام بيتـك


وأنتظر لي ربع ساعة.. عند سورة
ماخبرت أن دخلته.. ما أحتريتـك


وأنت تأخذني على عميا مشـورة
مسرفٍ بي لارحم حيّـك وميتـك


تحسب أنّي ناسـيٍ حبـك ودورة
لو نسيت أبوي وأمّـي مانسيتـك


الله اللي حطّ لك في العين صـورة
والله أن يمحا نظرهـا مامحيتـك


تلمحـك روضٍ يقلدنـي زهـورة
ناعـمٍ لـو أنّـك بتوكـل كليتـك


موج حبك في الحشا صفقه وفورة
والظنون تسـد نفسـي لأشتهيتـك


وش تعللها عليه مـن الخطـورة
يامعللهـا علـى ليتـك وليـتـك


واحدٍ من طاري أسمك طق زورة
وش يقول أن سمع لبيـك وفديتـك


عذره بمخباة لـو يفقـد شعـورة
وأنت عذرك لارماك الله رميتـك


لاتهز الغصـن وتطيّـر طيـورة
أتق الله وأحترم مجـدك وصيتـك


وأن حداك مساير النفس الغيـورة
مرحبـا مـن واحـدك لكمبليتـك


أرمني فالنار من عميـا مشـورة
وأسرف أسرف لارحم حيّك وميتك

==========
وتحياتي
(( &*&* (((بـــــن 2الرويــــل))) &*&*))

[ابوعبدالكريم الحميداني]

الله يعطيك العافية على النقل

وتقبل خالص التقدير

[(((بـــــن 2الرويــــل)))]

يا هلا و الله و مسهلا
ومشكووووووووور على مرورك
وحياك الله

[ابـــوحـــــور]

صح لسان مدغم ومشكور بن رويل على النقل وتقبل تحياتي

[ابونادر]

صح لسان الشاعر مدغم ابو شيبه

وتسلم يمينك يالخال على النقل


كل التحايا

.

[فجر الحمادين]

مشكور ابن رويل على النقل الرائع

وصح لسان الشاعر

يعطيك العافية

[منابع الطيب]

سلمت يمناك ابن رويل



وصح السان مدغم