صرح الشاعر خالد الحميداني لمنتدى الصمان إحدى منتديات مطير عن سبب
إستبعادة من برنامج شاعر المليون وهذا ماأدلى به
ملابسات استبعادي
--------------------------------------------------------------------------------
بسم الله الرحمن الرحيم
اولاً اتقدم بالشكر والتقدير لجميع من ساندني ودعمني وقدم لي المشوره وتابع كل تحركاتي كبيرها وصغيرها ويعلم الله انني لااستغرب هذا الاهتمام من ابناء عمومتي سواء القريبين مني او ابناء قبيلة مطير ومن ابناء وطني المملكه العربيه السعوديه وهذا الفضل سأحفظه ماحييت .
وأحب وعبر منتدى الصمان ان ادلي بهذا التصريح الاعلامي حول ملابسات القرار الذي بموجبه استبعدت من المشاركه في الحلقه الثالثه من برنامج شاعر المليون في نسختها الثانيه والتي كانت مقرره هذا اليوم الثلاثاء الموافق 29/12/1428هــ .
احب اوضح لكم انه كان هناك بروفه لنا نحن الشعراء كانت يوم امس الاثنين الموافق 28/12/1428 وكنت مؤكد الحجز من الرياض الى ابوظبي وفي الليله التي قبلها الم بي عارض صحي مفاجيء ودخلت على اثره المستشفى وطافت الطائره ثم قمت بتأكيد الحجز على الرحله الاخرى من عصر نفس اليوم واتصلت على الاخ عبدالله المصعبي منسق الحجوزات للشعراء وابلغته ماحصل لي بالضبط وقال مافيه اي مشكله ثم كلمني الاخ سالم المزروعي بعد ذلك بقليل وقال يؤسفني انه تم استبعادك بقرار من الاداره وحاولت التفاهم معه وان هناك عذر مبرر ومثبت ولكن دون جدوى .
وان المليون والبيرق بالنسبه لي هي قبيلتي والبرنامج يضيف للشاعر ولايصنعه وهذه تحيه خاصه لابناء قبيلتي اللذين اشعروني بأهتمامهم
وهذه قصيدتي التي كنت سأشارك بها..
اخيل الكواكب بالمدار تسير =ولله كل الامر والتدبير
تاخذني افكاري وتصحي مواجعي =وادور طبيبٍ بالعلاج خبير
حكيمٍ بتدبيره عليمٍ بواجبه =يقرأ الحدث قبل الامور تصير
لجة هواجيسي وهاضت مشاعري =غدى لها بين الظلوع نفير
ماكل قولٍ يطرب اللي يسمعه =ولاكل من يسمع معه تفكير
لو حلل العراف كلمة شاعر =ماتكسر السلعه من التسعير
بديت المعاني في جزيلٍ من الوفاء =ود وفخر في صفحة التحرير
ابن العرب والمملكه هي داري =رمز السلام اللي علمها غير
دارٍ معزي عزها واسسها =على العدل بالصارم الشطير
مطفي مشاعيل الجهاله والفتن =مشعل قناديل الهدى تنوير
واصبح وطن في قلب كل سعودي =به يلتقي درب الامن والخير
لي الشرف اني من ابناء شعبه =وارض العرب هي بيتي الكبير
واللي يصير من العراق لغزه =في انعكاساته لها تأثير
من واقعٍ فيه انكسار الامه =كسرٍ معه كم يصعب التجبير
بالعقل لامنك سبرت اغواره =كنه تراه بمجهر التكبير
اوضاعنا تفرض علينا الوحده =حنا بحاجة صحوة الضمير
امانا بالله ثم بالقاده =وضروفنا ماتحتمل تأخير
تملي فرقتنا ووحدة غيرنا =وايماننا في وحدة المصير
تنازع الامه يهدم مجدها =من التكاتف ينهض التظوير
تبدي لنا شمس السلام وتشرق =تجلي ضلام العنف والتهجير
اذا اجتمعنا واتحد مفهمونا =يجي لنا بين الامم تقدير
يبقى الامل حلمٍ نحب نعيشه =يطرب عليه السمع والنظير
والشعر غصنن كل مامال بالحشا =غنا ولاغنا عليه الطير
رساله لقبيلة مطير
لعيون حمران النواضر جت على البحر الطويل =يوم القصايد لاح براق الشعر بخيالها
شواردٍ لها بتفكيري وفي عيني مقيل =اشعل توهجها من المعنى وازيد إشعالها
امشي لها درب الوعر واصل بها للمستحيل =واليارقت لوهي على متن السحاب ارقى لها
ماني معنزها اليامالت على جرفٍ يميل =للغيم اوصلها وتبقى في يدي احبالها
ماعاشر الرجل الهزيل ولااكتب الشعر الهزيل =احرص على الجزله واقدرها واحب اسعى لها
عاداتنا مانقبل الهزلات لو نعطي جزيل =والناس تعرف من مواقفها وطيب افعالها
ماجيت ادور مدة المسكين من كف البخيل =ربعي مطير اللي على العزه تشب عيالها
كتابة التاريخ يوم المجد بالسيف الصقيل =اهل المهار اللي مراكيض السعد تبرى لها
الإهداءات
الشاعر خالد يصرح بمنتدى الصمان 
للتواصل 
