الله اكبر ماحلا ايام الربيع=يوم انا والزين في خداً وساع
كل منا لمر مضنونه يطيع=ماحداً يملك عن النفس الدفاع
ان دعيته قام لي عجلاً سريع=ون دعاني قمت من غير امتناع
القمر من نور محبوبي يضيع=هقوتي ان الشمس معطيته شعاع
كن في صدره رمامينن طليع=واقفاتاً ماكسرهن الرضاع
اشهد ان الحب ياناصر فضيع=خاضعله كل شغموماً شجاع
ساكناً بالقلب والقالب جميع=ماظهر لسوق مجلوباً يباع
بننا عهداً وميثاقاً منيع=لين حد الموت هذك الوداع

ليت فرخ الحمام عصير ماعاد يسجع=نقض اجروح قلبي والعناء والمواجع

لاصار جدك ماورثلك ملايين=ماهوب لازم تشتريله اضحيه
قله يجدي جعلك من المناجين=والله ماتسوى قيمت البربريه
لونك اخذلك من الخد مترين=بوسط الرياض وعند سوق العليا
ان كان تلقاني من اهل الملايين=مطنطخاً الحين ميه بميه
لاكن ياجدي ضحيتك بعدين=ان يسر المولى ثمنها عليا
حنا بوقتن شين واشين من الشين=فيه الخوي ماعاد ياثق خويه

ليت فرخ الحمام عصير ماعاد يسجع=نقض اجروح قلبي والعناء والمواجع