مــذكرات يــومية لأعــضاء الــحمادين الكرام !!! الصفحة 2

ابوعبدالكريم الحميداني · #16 08-Dec-2007, 03:45 AM

جزاه الله خير برا دمتة وصدق امانته

ياعزيزي الدين لايفرق بين مسلم وكافر وحقوق الناس لاتبخس وديننا الحنيف

لم يعلمنا أن نأكل مال غيرنا وألأنسان يحافظ على ذمتة وضميرة ويوفئ

ويخلص مع الناس00

تقبل خالص تحياتي لك ولصاحب الأتصال الرجل الشهم الذي نفخر به

الصعيري 314 · #17 08-Dec-2007, 03:51 AM

والله حنا اللي نفخر فيك .. أخوي بوعبدالكريم ....

الصعيري 314 · #18 09-Dec-2007, 08:24 AM

هلا يبه ... شلونكم اليوم .....

والله البارحة مرت علي ليلة عجيبة ....

يمكن قعدت أكتب ... في هالمنتديات لمدة( 9 )ساعات .... كان أروعها... الحوارات اللي صارت بيني وبين أخوي بو عبدالكريم ...

الصراحة ما كنت اتوقع .. هالمنتديات .. تاخذ الوقت جذيه ...

وفي الطرف الاخر ..والله .. يا .. أخوان .. أني ماكنت اتوقع أواجه نوعيات غريبة .. في هالمنتديات ...

لكنه حصل ... بل ... وكثيرا .......

والسوالف عن ها (الغريبين) ... مضحكة ... ومبكية .... هاف هاف .....

يعني واحد منهم:
انا بينت له ان القضية اللي يحاول هو يمنعها عن طريق (الفتاوي) .. جائزة وسائغة شرعا .... وانه لايملك دليل على التحريم ....
تدرون شنو قالي ....؟؟؟

قال لي: مو كل شي مذكور بالقران ... يالله عطني دليل على ان أكل التفاح حلال؟؟

ههههههههههه... والله هذا اللي صار .. لا ويتكلم جد الأخ......
فقلت له هناك قاعدة فقهية بسيطة .. تقول .. ان كل شي مباح الا ما دل الدليل على تحريمه .....

تدرون شنو رد علي ..... قال: انشاء الله اني على حق وانت يهديك الله ....

هههههههههههههههههههههههههههههه

يهديني الله ...... امين

بس جذيه ........يهديك الله

الكثير مقتنع في اللي يقول ... ولما تكلمه .... يقول لك ... رأيي صواب يحتمل الخطأ ورأيك خطأ يحتمل الصواب .... (شفيه الشافعي .... هههههههه)

والله شي مضحك.

أقول ..وهناك ناس تحزن عليهم ....

السر عندكم بالأمان يا جماعة ... أني مشارك في منتدى أخوانكم الصعران بأسمي الحقيقي ...

أحد الأخوة ما قدر يتحمل رأيي في قضية ما .... فلجأ الى أساليب .. مو خوش ....

مما دعاني ... الى كتابة موضوع ... في رأيي هذا الموضوع ... من أجمل ما كتبت ....لم أتعرض له في ذلك الموضوع أطلاقا ... وأبشركم من بعدها ما طب منتدى الصعران ....

الظاهر اني أحرجته ......ههههههههه

يا أخوان .... ترى والله ... اللي يكتب بأسم مستعار .. مو معنى هالشي انه مسموح له .. بأنه يتهجم على الأخرين ... علبو محد يعرفه ...

أقول والله .. مايفعل هالشي الا الواحد الضعيف .... اللي يعجز عن الحجة والأقناع ....

المهم ... هذا اللي عندي اليوم لكم ... وموعدنا باجر .... في هالصفحة الجميلة ... ان شاء الله ....

ابوعبدالكريم الحميداني · #19 10-Dec-2007, 10:28 AM

عزيزي الصعيري314

منتدى الحمادين ومنتدى الصعران ينتمون الي بعض وجميعهم أخوة

ولكن تعجبني صراحتك ونحن في زمن الصراحة غير مرغوبة فية عند

البعض00

تقبل خالص شكري

أما أنا اليوم

متضايق جدا وحزين ياعزيزي لأسباب عدة يطول شرحها 00

الصعيري 314 · #20 10-Dec-2007, 02:49 PM

شلونكم يبه ...

والله اليوم .. كله راح في النوم ... (زين وشنو الجديد ... ههههههه)

المشكلة عندي فاينالات بعد باجر واللي بعده ....

ايه ... الله يسهل ...... لجميع المسلمين ....

بس الدراسة .. ما منعتني من الوفاء بحق هذه الصفحة الجميلة ....

والسر عندكم بالأمان يا جماعة ... في زمان ما .. في منتدى ما .. كنت أتناقش مع أحد المعارف الجدد ...

فدار بيننا نقاش حول موضوع معين ...

بعد الأخذ والعطى .... في هالموضوع .. سألني أخونا سؤال ...

قال لي : انت علماني ؟

ضحكت كثيرا .... على هالسؤال ......

قلت له: مو مهم ... انت تناقش الفكرة .. ولا تناقش شخصي ...

أخونا هذا .... ما قدر يتعامل مع الموضوع الا بعد ان يحدد ماهو فكري ... وتوجهي....

وهذا بسبب ان أخونا في الله حاط له كم خانه في باله ...

اي واحد يتعامل معاه لأول مرة .. لازم يحطه ويصنفه في أحد هالخانات اللي في باله ..

ليش ... لأن هالنوعية ... نوعية مسكينة ... ضحلة علميا .... لو طلع برا هالخانات اللي في باله يغرق ...

المهم ....

قلت لصديقي العزيز ماجد هالموضوع.. ( ان الأخ اتهمني اني علماني) .....

ماجد مات ضحك ...

كان يقو لي : حط صورتك ... خله يشوفك ....

ههههههه

عموما .. انا اليوم حطيت موضوع جديد .. بعنوان (الموضوع في ديسمبر 2007 .. والرد في أكتوبر 2007) ....

تكلمت في هالموضوع ... وببساطة شديدة ...عن هالحالات اللي نواجهها ...

ولو أبي أتكلم في هالموضوع ... بلا مبالغة .... يبيلي 30 صفحة ... يالله اوفيه حقه ....
بس الأعضاء ماراح يقصرون انشالله .....

هذا معظم اللي مر علي في هاليوم النومي ....

ونشوفكم باجر ... في نفس ... هالصفحة الجميلة ... ان شاء الله ....

الصعيري 314 · #21 10-Dec-2007, 04:35 PM

شرايكم

ناخذ استراحة هنيه ....

مع هالمشهد الروعة .........

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

حوريه الثامريه · #22 11-Dec-2007, 12:02 PM

لم أنم جيداً البارحة و استقيظت على خـــبر تراجيدي كئيب !!!

ومازلت روحي متصارعة في خضم أمواج الحزن الهادرة وتحاول أن ترسى

على شواطئ الأمان !!!

وها انا هنا في منتديات الحمادين أكتب ما يمليه عليَ ضميري

ومتواجدة من اجل شخص يعز عليً كثيراً ولم أفي بوعدي معه !!!

ابوعبدالكريم الحميداني · #23 11-Dec-2007, 12:41 PM

أعتقد الشخص راضي عنك دائما ولن يأخذ بخاطره مهما حصل

لأن مكانك عندة كبير جدا 00 ويسعدة تواجدك وتواصلك مع أخواننا

بالمنتدى ثقي تماما أن قلبة كبير ومتسامح دائما وحريص على

من يحبهم00

تغيب جميع المذكرات بغيابك وتعود بعودتك ودمتي ياحورية

لايسعدني الحزن بل أتمنى الفرح والسعادة00

خالص تقديري

حوريه الثامريه · #24 11-Dec-2007, 01:12 PM

إذن بــلغ جــل أشــواقي وخــالص امتــناني لــذاك الشــخص

وبلغه كذلك بأن حورية تــحترمه حــد الجنون

وأنها برؤيته تطرح الأحزان جانباً وتنعم بالسعادة

تحياتي

ابوعبدالكريم الحميداني · #25 15-Dec-2007, 06:34 PM

لم يبقى عندي ما أكتبة سواء السهر المتواصل والحزن الدائم والأسف

على الحال 00 وتبقى الذكريات الجميلة والبصمات الرائعة

حفظك الله اختي الرائعة

**maria** · #26 18-Dec-2007, 04:46 PM

حورية

اكيد لحل فكرة فكرة حورية ترى انك ذكية وهي نعمة من الله وانا هلا لانتبهت للموضوع ورح قلك عن نهاري هذا اليوم مع انو ما حلو بس رح غير نظرتي فيه واعتبرو حلو لاني التقيت فيكم

اليوم وعيت الصبح على امل عنا ضيف رح يسافر تفاجأت انو موجود لسااااااوماراااااااح

......................... ............... والله قمت من فراشي وقلت اللهم اجعلو خير فتحت الابجورات بالبيت وتطلعت للسما كعادتي فاذا السماااا صافية والشمس قوية بحب هيك جو انا كتير
شربت كاسة حليب وغسلت وجهي ولبست تيابي وطلعت من البيت واتجهت لعند بابا زرتووو لانو مريض بحب بلش نهاري بشوفتووو واخد بركتو وبعدهااا جيت ع صالة انترنيت وقلت بلتقي معكم وبشوف الجديد والممتع ويسعد صباحكم جميااا وكل عام وانتم بخير

ابوعبدالكريم الحميداني · #27 20-Dec-2007, 08:55 PM

سلامة البابا ماريا

نهارك كتير حلووووووووووووو بس انا لا منشان الضبف اخركن عنا

لك شو غلظ هاضيف دمووووووووو تقيل ماهيك00

يسلموووووووووووا يارب هالطله الحلوة ماريا

تحياتوووووووووووو مع تشكراتوووووووووووووو

الصعيري 314 · #28 24-Dec-2007, 02:10 AM

شلونكم يبه ..

انا والله متفشل من نفسي الحقيقة ....

ليش؟؟

لأن صار لي فترة مباعد شوي عن هالمنتدى الشامخ ...

خصوصا هذه الصفحة الرائعة ..

بس والله اهو بعد غير متعمد .. لكن بحكم السفر ... السفر للكويت الحبيبة ..

عموما ...

انا مدمن دواويين ... واللي تتميز فيها الكويت الغالية ...

الليلة قررت أزور ديوانية أحد الأصدقاء .. الصرحاء ..

مريته بالعشر .. بس الظاهر بسبب ان باجر دوامات ماكان عنده احد ..

وكان هذا شي جيد .. لأني أخذت راحتي معاه ..

فقعد يسولف لي عن الأوضاع .. واوضاع مطير وانتخابات 2010

هو يقول عني : اني انا صريح شوي ..

وانا اتهمه بالصراحة كذلك ...

فقررت انا وياه انا نجتمع انا واياه قبل دوانيته بساعتين .. ونطلع اللي في قلبنا .. واذا جا الزوار .. نجاملهم .. ونثني على ارائهم .. من باب جامل تنحب ..

هههههههههههههههههههه

اي والله .. هذا اللي صار ...

طبعا انا واياه بهالطرح كنا نقصد ان كثير من الناس ما يحب يسمع الحق .. واذا قلت اللي عندك .. قال هذا محسوب على فلان او فلان ... لاحول ولاقوة الا بالله ...

يعني الربع ماشاء الله .. ما يطوفون .. لازم يحطونك في احد الخانات ... اللي تناسبهم ..

ابوعبدالكريم الحميداني · #29 24-Dec-2007, 02:25 AM

حياك الله يالصعيري 314

وهلا بك بعوتك اشتقنا لك والله

تحياتووووووووووو

الصعيري 314 · #30 24-Dec-2007, 02:52 PM

يهلا والله وكل الهلا بالأخ الراقي .. بالأخ الكريم .. بالأخ الحبيب ابو عبدالكريم ..

والله انا اللي مشتاق لكم .. ومشتاق لهذا الصرح الشامخ ..منتديات الحمادين .. هذه الجذم الشهير من مطير الشهيرة ...