سلام يارجال الفخر يالحمادين = ياللي وقفوا للي وقف في رصدنا
سلام يارجال(ن)على الطيب لازين = ياكاسبين الرابعه وإعتمدنا
انتم عددكم بس تسعه وعشرين = ياهازمين الفين بقلة عددنا
انتم دويله واسمكم بالعناوين = يشهد بها التاريخ محد(ن)ضهدنا
فعول المطيري مسجله بالبراهين = امورخه ومسجله في عهدنا
حذرا عن ملاقا الرجال المسمين = حنا ليا منا فعلنا ابدنا
اللي يلاقينا يذوق الامرين = وانا احمد الله كيف وشلون زدنا
إسال من اللي راح ينعى العقيدين = المسندي قبله سند وان جردنا
حنا كسبنا بالمعارك ملايين = فعل العوارض والدويله فردنا
يقولها اللي يسمع وشاف بالعين = فعل المطيري نفتخربه وزدنا
فعل العوارض معجزه بين قوسين = عشر الركايب معجزه في بلدنا
وفعل الهوامل والعبيات وافين = مسجلين الثانيه في مجدنا
الطايرات الميق صارن نياشين = الطايرات اللي لحقن في مددنا
وفعل الصعيري مع إبريه الوفيين = ذود الصعيري من العراق إستعدنا
ثلاث للمطران والرابعه دين = عدنا بها وفزنا وهذا وعدنا
المعجزات اربع بفعل الحمادين = امترخه ومسجله في سندنا
اخر فعول امطير بخمسه والالفين = في طلعة ام دباب مضاعف جهدنا
حنا امطير مطوعة كل عاصين = حنا امطير اليا وردنا وردنا
حنا امطير نرد بالصاع صاعين = حنا اليا قمنا إيزلزل رعدنا
اليا دخلنا بالمعارك شجيعين = واليا دخلنا بالملاقا صمدنا
ارجال الكرم والطيب ارجال الميادين = حنا خطفنا المعجزات استفدنا
غلطان يامعاند مطير العنيدين = حنا ترى لكسب المراجل ولدنا
حماية التالي وزبن الدخيلين = حنا كسبنا المعجزات وصعدنا
حمرالنواظر بالملاقا قطوعين = حمرالنواظر من بغانا وجدنا
عبدالله وعلوى وبريه السلاطين = ياعزنا يافخرنا ياسعدنا
وشيوخنا الدوشان زبن المخلين = بامارة الدوشان طلنا وسدنا
مانزل الهامه ولانغمض العين = ولغير رب الكون لاماعبدنا
الروس ماتنزل تحت فوق عالين = ولربنا المعبود نشكر سجدنا
حنا امطير وبالعهد مخلصين = لحكم آل سعود ولابو متعب سعدنا