سلام مني ونا شاعر

ساري الليل · #1 01-Nov-2007, 11:20 PM

سلام مني ونا شاعر مع الشعار باعي طويل
أعرف بيوت ألمعاني وأعرف اللي حط سيسانها
الوسم برقه يلوح وناشف الوديان عيا يسيل
مدري ويش اللي على نجد العذيه يخلف أمزانها

ابونادر · #2 01-Nov-2007, 11:40 PM

ساري الليل

صح لسانك على هالطاروق الجميل

وبانتظار برق الوسم للرد

...

منابع الطيب · #3 02-Nov-2007, 12:21 AM

صح السانك

اخوي

وننتظر برق

برق الوسم · #4 02-Nov-2007, 12:23 AM

ههههههههههههههههه

صح لسانك ياساري وطارووقك هذا طويل والله ماعرف له

لاكن ابي اغير واقصر منه اذا اعجبك حياك واذا مااعجبك اعذرني

ياخوك ماعرف محاوره 00 ههههه

الك البقاء يالمغني والكلام الجزيل=اتحفتنا بالبيوت وروعة الحانها
البرق بشرى المطر لالاح وسط المخيل=لاكن ماهيضه دعوات شيبانها

برق الوسم · #5 02-Nov-2007, 12:34 AM

وينك ياساري لاتدقق

عجل علينا وين الجمهوررررر

<< اخص يالشاعر برقوو مع جنبهاا

ساري الليل · #6 02-Nov-2007, 12:48 AM

أبشر وسع صدرك أنا في البر والأتصال لك عليه

ساري الليل · #7 02-Nov-2007, 01:00 AM

عينت ذاك البعير اللي من ول يشيل ,,,,, في درةٍ يختلط بالحظر بدوانها
أشوف راس الجبل ورقى وعود وميل ,,,, وشوف لي نار تخلعنا بدخانها

برق الوسم · #8 02-Nov-2007, 02:57 AM

ذاك الجمل قد سرى في ليل ماهو بليل=من هو يرد المعاني جوف قيفانها
اليارقيت الجبل خلك براس الطويل=لاتترك النايفه ويضيع عنوانها

منابع الطيب · #9 02-Nov-2007, 03:06 AM

الله عليكم

والله روووووعه

يالله اتحفونا

لاعدمناكم

برق الوسم · #10 02-Nov-2007, 03:08 AM

تسلم اخوي منابع منور يالغلاااااااااااا

اي افتك نفسي اذا الله اراد لايهمك
ههههههههههههههههههههههههههههه

ابو الطواري · #11 04-Nov-2007, 12:06 AM

مشالله عليكم ونترقب منكم الكثير وصح لسانكم جميعا