| خلك على طبيعتك ترا ازين لك
المقدمه مقتبسه من الكاتب السوداني الكبير (عصمان ادم) في مقولته الشهيره (خير الكلام ماغل ودل)
المـــــــوضوع
في يوم من الايام وانا جالس في البيت في زاويه منعزله لتفادي الاخطار قعدت افكر في حياتي
اليوميه وافكر في وجهي وكيف اني كذا وعلى مين طالع يعني تخيلو وجه الجبهه والحنك على
قدام والعيون والفم على داخل والخشم مبين من النص صاير كاني دوار في وسطه نخله
والمشكله هالوجه مسويلي مشاكل يعني اهلي مانعيني ادخل المطبخ عشان مايلخبطون بين
وجهي والقدور ( اللهم لاشماته ) قلت خلني اطلع اروح للبقاله اجلس اسولف مع الهندي هو
الوحيد اللي يعطيني وجه ويتحملني
المهم طلعت من البيت رايح لبقاله ويوم وصلت لقيت واحد يشبه مايا نصري واسمه عموري
قمت اتميلح قدامه واقوله والله محد يدفع الا انت لا لا لاتحاول معي والولد
متروع ويقولي طيب بس فكني من ريحة فمك وقالي لوسمحت قلت للهندي ياصديق تراه
يكلمك قالي لا لا انا اكلمك انت قلت غريبه اول مره احد يقولي لوسمحت قال عندي ملاحظه على
وجهك قال شلون تقدر تقابل الناس بهالوجه قلتله عادي احط لزقه تحت وجهي واكتب عليها
السعر 200 ريال يعني اني لابس قناع قال هههههههه حلوه منك قال طيب وشرايك اضبطك وازينك قلت له ليه
شايف فيني شي قال والله اول مادخلت احسبك لابس احرام مهب ثوب ذا اللي انت لابسه عاض
مع بطنك ومشقق مع اباطك قتله طيب وشتبيني اسوي قال تطور قلتله ومن قالك اني بوكيمون
قالي لا اقصد انك تصير من شباب الالفيه الجديده قلت له يعني اصير منكم واترك شعب الدجه (
احمد ركبه واسماعيل سيقان واللمبي) قال ايه قلت خلاص ابشر بس شلون قال امسك هذا
عنواني وتعالي اليوم المغرب قتله خلاص بجيك والله وجهزت نفسي ورحت وصلت البيت وطقيت الباب ومحد فتحلي
المهم طقيت وطقيت وطقيت <----- خلاص عاد
شوي الا الباب انفتح وطلعتلي اخته انا اغمى علي بحكم اني فيني فقر في الجنس الناعم ولاعمري شفت بنات يعني
المهم وانا مغمى علي بديت اتحلم اني تعرفت على ذي البنت وألعب معها كيرم وافتر معها على
الددسن واشياء حلووه شوي انقطع الحلم بصوت واحد يقولي قم فتحت عيني الا اخوها اللي
قابلته في البقاله قالي وش سالفتك ليش اغمى عليك تقول خدامتنا انها افتحتلك الباب واغمى
عليك طلعت خدامتهم قلت طيب هاذاني وصلت بيتكم وشعندك <--- يسمع بالاسلوب
قال ادخل واقولك دخلت هالبيت وانا اقوله لايكون هذا بيت الوليد بن طلال قالي مشكور على
المجامله وقعدت اتذكر بيتنا ومطبخنا والملحق وقلت قصيدة رثاء على بيتنا المهم وصلنا المجلس
ولقيت اخوياه وعرفني عليهم هو طلع اسمه عمرو واخوياه مصطفى ومدحت واحمد قلت هاذي
اساميكم ولا كشف الطلاب العشره الاوائل جلست عندهم واهايط عليهم واقولهم اني اقوى
واحد في الحاره واني ااكل ضبان وكلام واجد ماشفتوا شي
المهم جاهم مغص من سوالفي ويبون يصرفوني قالوا اسمع بكره لازم تجي وانت لابس بدله
عشان عندنا بارتي قلت مين بارتي سواقكم ولا قالوا لا يعني حفله قالو وشتعرف من الماركات
قلت ام امممم والله ابوي يوم جا يروح لزيورخ راح اشترى بدله من محل غالي اسمه سام 6
المهم قام الضحك علي وقالوي ياشخ اطلع برا قلت خلاص ااخر مره والله مااعيدها رجعت البيت
واشتريت الاغراض ومتحمس ودي اللبس البدله في المحل
المهم لبست البدله في البيت وااخواني يطالعوني ويقولون ياشيخ طالع تشبه برتني سبيرس الله
يلعنهم ماشافوا خير المهم طلعت وانا لابس البدله فنيله صفرا ومنقطه باخضر وعليها رقم 15
ورا وبنطلون برمودا ولابس وشراب العايله لين الركبه عشان ازبن الشعر اللي بالساق ولابس
حزام ابيض (اما هذا الحزام اختلفوا فيه العلماء اللي يقول مصنوع من الجلد الطبيعي واللي يقول
من الخزف السعودي رحت عند عمرو وشلته والناس يطالعون فيني والبزران يركضون وراي
يحسبوني مهرج واللي يناضرني باستحقار وعمرو يستهبل علي ويذبون علي هو
وااخوياه رجعت البيت وانا قافله معي حذفت البدله ويطمرون عليها اخواني اللي ااخذ البنطلون
وسكر عليه باب الحمام واللي لبس الفنيله وطلع مفصخ واللي لبس الحزام على الثوب لبست
الثوب ورجعت الا ايام اوول وشعب الدجه .
مايستفاد من الموضوع
1- خلك على طبيعتك ترا ازين لك
2- لحد يلعب عليك ويقولك الفيه وما ألفيه
3- لاتشتري بدل وتخسر نفسك وانت ماتعرف تلبس
4- لاتماشون اي واحد يشبه مايا نصري وخلوكم على أسامه صنجه ومحمد ضرس ازين لكم خخخخخخخخخ
الموضوع مسروق
__________________  | 
