رساله لكل شاب

[بن شرف]

بسم الله الرحمن الرحيم

السلام عليكم ..شحالكم..

ربكم بخير..
حبيت اوجه اليوم رساله لكل شاب مدخن..ومتهور..
مضمونها..نصيحه اوجهها لهم..
امممممممممممممم..

كيف ابدأ الموضوع..
المدخن والمتهور(المسرع)..وماشابه ..خلونا نحسب كم واحد توفى من جراء هالشي..

وعدد ضحايا تهورك..

اكيد العدد بيحطم الارقام القياسيه..

سؤال.. بن شرف نتظر منكم اجابه..صريحه

جد فكرتوا بهالشي..هل هالافعال بتضرك انته بس....بتكون اناني اذا فكرت بهالشي....لانك بتجرف اللي حوليك..وبتضرهم بعد..

كيف؟؟

الأم ما تحاتي ولدها؟؟

وهو يضيع سنين شقاها بسبب التدخين..او السرعه..او اي شي ثاني..

يبكي قلبها..قبل لاتبكي عيونها..ضاعت زهرة عمرها..وهي تربيك عشان تكبر وتنسيها التعب اللي تعبته ف صغرك..وترفع راسها بولدها..

ونته تجازيها..انك ترحل..نعم ترحل..وهي..من لها..كيف بتعيش..وكيف بتنسى..اللي كان ف حشاها..اذا انته عايف عمرك..وحياتك..في غيرك يحبونك..ويهتمون لك..


بعضكم بيقول بن شرف يبالغ..ويتفلسف..وبعضكم وبعضكم..

لا ..هالشي من الواقع..كم من أم ..وكم من اخت..وكم من زوجه..وكم وكم..عانو من هالشي..

يعني ..تخسر روحك..وتخسر اهلك..بسبة طيش..ويمكن تندم عليه..بعد مايفوت الفوت..

البعض يمكن ينجى من هالشي ..بس شو بيكون الناتج..اعاقه..او اي شي من هالقبيل..

هو بيكره عمره..وبيكره اللي حوليه..وهو يحس ان نظرات الناس شفقه....والام بتتعذب كل يوم..كل ماتشوفه..وكل ماتتذكره قبل كيف كان وكيف صار ..والسبب تهورك..

كيف يهونون عليك احبابك..كيف ترضى تشوفهم ف يوم يصيحون عليك..ويتعذبون بسبتك..حط عمرك مكانهم..
ترضى انك تفقد حبيب لك؟؟

اكيييييييييييييييييييد لاااااااااااااااااااااااااااا..

البعض يقول ..قضاء وقدر..وكل انسان مكتوب له انه يموت لو طال الزمن او قصر..

وانا ماعترض على هالشي..لكن ربنا نهى عن تعريض انفسنا للتهلكه..وربنا عطانا عقل عسب نفكر قبل مانسوي اي شي..

وبعدين..صح ان الكل بيموت..لكن موته عن موته تفرق..

لو بتموت موته طبيعيه..اهون من تهورك..

لانك بتهورك تثبت لاحبابك بانهم مايهمونك..وانك مافكرت فيهم..واذا مت موته طبيعيه

..مابقولك انهم مابيحزنون عليك..او انهم مابيتاثرون..لا..هالشي مختلف بالمره..

والتدخين..البعض بيقول..ماياثر..وانا مع الوقت بترك هالشي..يمكن سنه..سنتين ..5..او 15..

انته تعرف كم بتعيش..تعرف اذا التدخين بيكون سبب ف موتك..ف تيتم عيالك..

الحمدلله انا مش متزوج؟؟

مابتتزوج يعني..وتريد تقنعني انك بعد الزواج بتترك التدخين..ياما و ياما سمعنا من

هالرمسه..اللي ماتودي ولا تييب..

والنتيجه بالاخير..ترحل..وماتعرف مصير عيالك..وهم يقولون ابويه فرط فينا..

ابويه..مافكر فينا..حرمنا من حنانه ومعنى الابوه ..ووووووو الخ..



فكر واسال..اي طفل مر بهالتجربه ..فقدان اب ..بسبب طيش..

وين ابوك؟؟
........................... ابويه توفى(وتخنقة العبره )

كيف مات؟؟

كان يدخن وصابه السرطان..

سرطان!!

من شو..

من التدخين..

اومات بسبب تهوره ف السرعه ..

كيف؟؟ وشو صار..

وصلني المدرسه..وهذي كانت اخر لحظه شفته فيها..

ليته ماوصلني..ليتني مرضت ف هاليوم ..وليتني وليتني.. (تتقدر تتخيل شو شعوره ..وهو يقول هالشي..كم بيعاني من هالشي..)

------------------------------------------------------------------------

هب جنه طولت عليكم..؟؟

هيه..

خلاص بنهي موضوعي بكم سؤال..وف انتظار ردودكم الصريحه..

فكرت بكل هالاشياء؟؟ وهل هالموضوع حرك فيك شي؟؟

واللي يسوي هالاشياء..لي متى بيسويها؟؟

وهل فهوووود بالغ في هالموضوع..؟؟

اي حد عنده اضافه ..يتفضل ..وان شاء الله الكل بيستفيد..

وان شاء الله رسالتي وصلت لكم..ولامست اوتار الوجدان.......


تقبلوووو تحياتي

اخوووكم بن شرف

[بنت الحوااامد]

مرحباااااااااا ملاييييييييين
يعطيك ربي العافيه ولاهنت ياخوي
بن شرف ولك مني ارقى التحايا
اختك ام زايد

[ابـــوحـــــور]

مشكور اخوي بن شرف والله يجزاك الف خير

[بن شرف]

تسلمون

على الردود

جزاكم الله خير

[ابونادر]

الف شكر لك يابن شرف على هالنصيحة الطيبة


عزالله كلام في محلة لاهنت



تحياااااااااااااتي



..

[بن شرف]

مشكور الغالي على المرور الطيب

[عويس المشتاق]

الف شكر اخي بن شرف علي الموضوع فان موضوع التدخين من المواضيع التي يجب النصح فيها من الجميع للاخوان المدخنين [COLOR="Red"][/color]

[فجر الحمادين]

الله يجزاك خير

وعساه في موازين حسناتك

تحياتي اخوي

[آورنس]

مشكور اخوي بن شرف على الموضوع الهادف

وجزاك الله الف خير ويعطيك الف عافيه


آورنـــــــــس

[بن شرف]

تسلمون

على الردود

جزاكم الله خير

[برق الوسم]

ماشاءالله تبارك الرحمن

دائما مبدع والله يجزاك بالخير اخوي بن شرف

شكرا على النصائح الجميله جعلها الله في موازين حسناتك


اخووي الغالي كل الشكر دمت بالمسرات يارب برقوووووووووو

[منابع الطيب]

بن شرف

والله حرك

الله يستر من الدخان

ومن السرعه كلها عند اخوك مجتمعه

والسرعه كانت بتقظي على يوم من الايام

والدخان مو بعيد عناها

ان شالله نتركه السنه هذي بس ادعونا

اشكرك على انتقا مواضيعك

منابع الطيب

[رهوفه]

السلام عليكم ورحمة الله وبركاته

كلمات الطفل قطعت قلبي كلامك كله واقعي ومنطقي اخي ابن شرف ياريت الكل يسأل نفسه ماذنب ابنائي واهلي وكيف لا استحي من دموعهم وهي تنهمر على فراقي وانا من قتل نفسي بدي وكانت الوسيلة احدى السمين السيجارة او السرعة

كل الشطر لهذه الرسالة الانسانية وان شاء الله الكل سوف يقدر ما في فحواها

سلمت اخي ودمت بود

اختك رهوفه

[عبدالله القحطاني]

بن شرف


موضوع جميل وحساس ودايم مبدع يابن شرف
لاتحرمنا من جديدك يالغالي ,,



اخوك
القحطاني

[ابو الطواري]

جزاك الله خير اخي وحبيبي بن شرف علا النصيحة الطيبة واتمنى ياقلبي مازعلت علي لان لم اراء ردودك علا مواضيعي ولك كل التقدير