هات القلم واكتب لنا عدة حروف=من هاجسن قافه جزيلن مصفا
كنه من الياقوت واللول مقطوف=مثل الذهب قافن بديته على افا
صغته مثل صوغ الذهب قاف محيوف=قافن على ماقيل محيوف حفا
اخذ جزيل القاف والهزل محذوف=احلى من المي القراح المشفا
نصه لقرمن يفعل الطيب وينوف=اللازمه اليا جاتله ما تخفا
فلاح ابو هابس كما سهيل ماصوف=بالمرجله والطيب وفا وكفا
شيخاً يرحب بالمسايير وضيوف=دايم وناره والعه ما طفا
وصينيتن فيها الشحم دوم منسوف=هذي يقلطها وهذي تكفا
ومجلس نشاما فيه طوفن ورا طوف=والنار تشعم من نصاها تدفا
وبيتن مشيد للمشاكيل معروف=الخط اليا وصله تيامن ولفا
واللي مكذبني يجي البيت ويشوف=العود فيه يفوح ودلال صفا
الطيب ورثه ماشرا الطيب بولوف=من راس ابوه وجده اللي توفا
من ربعتن يوم اللقاء تنزل الخوف=اولاد علي افعالهم ماتلفا
ربعن على بعض القبايل بهم نوف=يوم الفعول تشاف ما تنتخفا
يوم اليدين تمد والفعل مشيوف=كم واحداً منهم على الوجه هفا
اليا صاح صياح الضحا المال مخطوف=المال جوه القوم تفوه تفا
كم واحداً مضروب منهم على الجوف=من عقبهم بالعين معاد رفا
فريس وان ركبو على الخيل بسيوف=من حاربوه اعلن خضوعه وهفا
المدح في مثله اليا قيل مخلوف=مدحن على وضحا النقا ما يوفا
ماقلتها قصدي عطيه ومصروف=امدح لرجلن للضيوف ايتلفا
والعرف ما يعرض على غير معروف=تم الجواب وزبدة الهرج كفا
وعلى النبي صلوا عدد ناساً اتطوف=وعداد وادن سال واخضر وجفا

حييت ياقافٍ من الشعر معسوف=من شاعراً يعسف معانيه عسفا
كنه من الياقوت والحص مرصوف=في جيد غيداً عن هل الشين عفا
من العسيلي هزني هز عاصوف=عصوف يحذف واقف القشع حذفا
هاض الغرام اللي له سنين ماقوف=موقفه عن جملة الناس وقفا
ماني بعض الناس مغرم ومكلوف=اخاف من شعراً تجي فيه عجفا
يجيب شعراً من معانيه منصوف=يمطر عسل واخر معانيه يسفا
ولا صار من شاعر وانا فيه مالوف=يقودني له زايد الحب ولفا
المدح يا عماش ماهو بمعيوف=لون زوده في حشا الرجل شلفا
يابن الصقور مزبنة كل ملهوف=يوم الخيول بكونها ما تعفا
في ضف شيخً ياخذ الحق مردوف=يكفي ولاهو عن خصيمه مكفا
لاصاح في عباد وردوا له زلوف=ورد الضمايا اللي على الحوض زلفا
كم راس شيخً من علابيه منتوف=بسيوف قوماً تنقف الروس نقفا
يوم القبايل بين غارات ونكوف=الشيخ ابن جبرين كم ناراً اطفا
كم مال قومٍ من مفاليه مكفوف=على ظهور الخيل بسيوف تشفا
وكم شوق عذراً في ضحى الكون مكتوف=تطلقة يوم اشتكت منه عنفا
من فعل ربعك طاح بالقاع مدفوف=وبعد قبضه الشيخ خلاه واعفا
عطيتني قافن من الشعر منتوف=منتفن زينة معانيه نتفا
وجاريت طاروقك ابطاروق مكشوف=فيه الوفا ومزودك منه كشفا
وان هاج موج الشعر ماعندي سلوف=عندي بحر يصفق على جال مرفا
اغوص به وجيب دانات وصدوف=وافوز مع مثلك بعلمن وعرفا
وادرا رفيقي ماتجي مني حفوف=ادراه دري العين وبه ما استخفا
اخذ الشداد وخلني معك بردوف=عسى ملاقينا على خير مرفا
وتم الكلام ولك وفا الشكر مزفوف=زفة عروساً للسنافي تزفا

المشاركة الأصلية كتبت بواسطة بنت الحوااامد مرحبااا ملاييييييييين ولايسدن ياهلا باخوي أبن رويل صح الله السان قايلهاا وناقلهاا النا ولاهنت ياخوي ويعطيك ربي العافيه ونترقب الزود منك ولك مني ارقى التحايا اختك ام زايد

المشاركة الأصلية كتبت بواسطة علي القصيم مشكور على النقل و لسان شعارنا

المشاركة الأصلية كتبت بواسطة برق الوسم مشكور ياابن رويل على النقل اخي الكريم انت بس تجي تنقل لنا مشاركه وحده وتخص الروله يعني وشلون المنتدى ماله حق عليك تشارك اخوانك الاعضاء الله يهديك ياابن رويل هذ ماهي طريقة مشاركه المنتدى للجميع والمشاركه من قبل الجميع 0 وفي كل اقسام المنتدى اتمنى ان تغير اسلووب الطررح 000 تحياتي برق الوسم

بكيت وهل بكاء القلب يجدي؟ فراق احبتي وحنين وجدي.. فما معنى الحياة اذا افترقنا؟ وهل يجدي النحيب فلست ادري؟ فلا التذكار يرحمني لأنسى.. ولا الأشواق ترحمني لنومي.. فراق حبيبتي كم هزني وحتى لقائها ستظل في قلبي...

المشاركة الأصلية كتبت بواسطة علي القصيم الله يبارك فيك ويجزاك خير يالغالي وانا بنتضارك جديدك وتقبل مني كل التقدير والاحترام