ياهن أنا ماني بجرف هيالـــــــــي = من لد يمي يرتكي له على جـال
من لاذ بي عده على لراس عالـي = مشوهق عالي على كل ما طـال
ومن صد لو انه قريب موالــــــي =أصد عنه ولو لفوا منه ما سـال
رفيقنا دايم نجي له ظلالـــــــــــي = نظلله لامن ظل الشجــــــــر زال
اللي على الاول ورثناه تالــــــــي = جينا ووصونا على طيب الافعـال
ومنا الجمال اللي تشيل الحمالي = ومنا الزحول اللي يشيلون الاثقال
الطيب لو يشرى شريته بمالـــــي = نفسي تحب الطيب لو ينفد المال
ما أقول أنا أطيب طيبين الرجالـي= للمرجله مثلي عشاشيق وارجال
لاشك أنا معهم على قد حالــــــي =كل يبا يذكر على قد ما نـــــــــال
ولا نستمع في قول قلته وقالـــي = شذابة الغافل مواريث الانـــــذال
الله لايجعل للانذال تالــــــــــــــي =خلاقة المشكل مجددة الاسمـــال