اذا جهلت انشد ترا مابها عيب=لاتنخدع للجهل وانت السبايب
عيب الفتي مافيه شك ولاريب= ترك الفروض وقطع وصل القرايب
والعيب ترك ملزمات المواجيب= وتبع الردي ومجالسة كل خايب
والتجربه برهان مافيه تكذيب= اذا جهلت انشد من القوم شايب
بيض النواصي حجته كلها شيب= من كثر مامرت عليه المصايب
ولاقول يوجد شايب يعلم الغيب= الغيب يعلم به مدير الهبايب
لاشك يوجد شايب له تجاريب=من الفكر شاف الدهر والعجايب
قد صارع الدنيا علي الخبث والطيب= في الغوص والافوق عوص النجايب

ياتافه الناس تبطي ماتجي قدي=لاكبرت السالفه دمعتك مذروفه
ماتعرف الهزل يالتافه من الجدي=ماتدري ان البلد بالليل محيوفه
خلك بعمياك مع هاته على ودي=والياقربت الخطر غنيت معزوفه

بكيت وهل بكاء القلب يجدي؟ فراق احبتي وحنين وجدي.. فما معنى الحياة اذا افترقنا؟ وهل يجدي النحيب فلست ادري؟ فلا التذكار يرحمني لأنسى.. ولا الأشواق ترحمني لنومي.. فراق حبيبتي كم هزني وحتى لقائها ستظل في قلبي...