قصائد شاعر المحاور محمد بن تويم الثبيتى (يرحمه الله)

مكسرات رومنسى · #1 03-Jun-2005, 10:24 PM

يا جر قلبـي جـر لـدن الغصونـي وغصون سدر جرهـا السيـل جـرا
وأهله مـن أول بالـورق يورقونـي علـى غديـر تحتـه الـمـا يـقـرا
علـى الـذي مشيـه تخطـا بهونـي وعصير مـن بيـن الفريقيـن مـرا
لا والله اللـي بالهـوى هوجـرونـي هجـر بهـا الحيـلات عيـت تسـرا
لا مبـعـد عنـهـم ولا قـربـونـي ولا عايـف منهـم ولانـي مــورا
وأكثر عذاب القلـب يـوم سنحونـي بيـح بصبـري لـو بغيـت اتــدرا
لا ضاق صدري قمت اباري الضعوني كنـي غريـب بالدلوهـة مـضـرا
وقلبي عليه اشفـق وتبكـي عيونـي والحـال مـن ود الحبـيـب تـبـرا
ياعزتـا لـي مـن تفـرق شطونـي يعزا لـي ارمـي بالسلـب واتعـرا
ان مـت فـي خـد بعيـد انقلونـي علـى هـدي الزمـل مشيـه تـدرا
ان مت فـي دافـي حشـاه ادفنونـي في مستكـن الـروح ماهـوب بـرا
بيـن النهـود وقـدّ روس القرونـي عـن الهبـايـب مستـكـن مــذرا
ياليتهـم بالـحـب مــا ولعـونـي كـان ابعـدوا عنـي بخيـر وشـرا
ولا انهـم يــوم انـهـم قربـونـي خلونـي اقضـي حاجتـي واتــدرا
أو ليتهم في الـدرب مـا واجهونـي ويـا ليتهـم مـا زادوا الحـر حـرا
ويا ليتهـم عـن حاجتـي سايلونـي يـوم انـي اقعـد عندهـم واتحـرا
الخـد بـرق فـي علـو المزونـي تقـول بـراق مـن الصيـف سـرا
وقفـت عنـده شابـحـات عيـونـي كـنـي غـريـر باللهاوي مـضـرا
و هذه القصيده للشاعر:
الشاعر دخيل الله بن مرضي الدجيما الثعلي العضياني الروقي العتيبي "رحمه الله"
من سكان قرية المحاني التي تبعد عن الظائف 150 كم تقريبا
و للمعلومية
هذه القصيدة أغنية في شريط محمد عبده كتبت على انها شعر فلكلور
وهضم حق الشاعر دخيل الله الدجيما فيها مع العلم ان هذه الايام لا احد يجهل مثل هذه القصائد0000

غريب الدار · #2 04-Jun-2005, 12:07 AM

الاخ رومنسي
اولا ارحب بك فأهلاً وسهلاً بك
واقول لك
سلمت على مانقلت ورحم الله الدجيما شاعر له باعه بالشعر ومعروف
عنه قوة بيته الشعري ودقة وصفه
اشكرك مره اخرى وننتظر الجديد منك

مكسرات رومنسى · #3 04-Jun-2005, 12:55 AM

هلا الاخ غريب الدار وشكرن على المرورالكريم والف شكر واقول انشاء الله الجديد والقديم يكون يعجبكم

اخوكم مكسرات رومنسى يتمناء الردود تكون اكثر من العدد الى اره

__________________
[img]11111111111111111[/img]

مكسرات رومنسى

التعديل الأخير تم بواسطة مكسرات رومنسى ; 04-Jun-2005 الساعة 12:59 AM.

الجدراوي · #4 30-Sep-2007, 09:41 AM

انا اول ما شفت الاعنوان حسبت القى قصايد لمحمد بن تويم
ولكن من عنده قصايد لهذا الشاعر لايبخل علينا

بنت الحوااامد · #5 30-Sep-2007, 10:19 AM

مرحبااا ملايييييييييين وان زدن عليهم لا باس
ياهلا باخوي مكسرات رومنسى
اول البادي ارحب بك وياااانه وياهلا مرحبااا بك
وصح الله السان قايلها وناقلهاا النا ولاهااااات منطوقك
واعتلى شانك بي عربانك وجعل ربي الجود عنوانك وقوى
الرحمن ايمانك ورفع مقامك والسموحه تحيرنا في الرد عليك
ولك مني ارقى التحايا اختك بنت الحوااامد

بنت الحوااامد · #6 30-Sep-2007, 10:20 AM

مرحبااا ملايييييييييين وان زدن عليهم لا باس
ياهلا باخوي مكسرات رومنسى
اول البادي ارحب بك وياااانه وياهلا مرحبااا بك
وصح الله السان قايلها وناقلهاا النا ولاهااااات منطوقك
واعتلى شانك بي عربانك وجعل ربي الجود عنوانك وقوى
الرحمن ايمانك ورفع مقامك والسموحه تحيرنا في الرد عليك
ولك مني ارقى التحايا اختك بنت الحوااامد

منابع الطيب · #7 30-Sep-2007, 02:51 PM

ياالله قديم تاريخ القصيده

سنة 2005

وتونا نرد والله من الكسل وكثر النوم