يضيق صدري من صواديف الأيام = وأرتاح لامني ذكرت أبو جاسي
شيخ ٍ على فعل المواجيب جزام = يعرف اليا جا بالأمور إلتماسي
عز الرفيق اللي من الوقت منضام = يرسي كما ترسي الجبال الرواسي
ماهو من اللي شيخته بشت وأختام = ولاهو من اللي شيخته الكراسي
شيخن ينومس بالمواقيف لاقام = وأنا أشهدنه دايم الدوم راسي
ياشيخ وأنت اللي درع وحزام = لاصار في بعض الأمور إنتكاسي
ياما مسح كفك من دموع الأيتام = ولك مدة ٍ تروي الكبود اليباسي
فرقك عن الباقين بالطيب مقدام = مثل الذهب ماهو سوات النحاسي
وبالمدح والله ماتوفيك الأقلام = يابن الشيوخ مطوعت كل قاسي
وأنا على مدحك شفوق ٍ من العام = وطاريك لامن مرني شاش راسي
ولو إن طيبك ينتوصف بالأرقام = حطمت لك بالطيب رقم ٍ قياسي