قصيدهـ أعجبتني كثيراً لما لها من وقع في نفسي ...
آمل أن تحوز على رضاكم جميعاً ...
إليكم القصيدهـ
يازين أشوفك عقب الأقبال صديت = بعينك وقلبك مادري ويش غيبه
في خاطري لك واردٍ ما رعديت = لا من يود العلم ولا من يجيبه
وأنا لما رودك و علمك تحرّيت = ومثلك ايخبر صاحبه وش مريبه
لا تحسب أني عنك يازين سجيت = مانيب من ينسى جمايل اصحيبه
أنا على هاك الحكايا تلويت = لو غتّرت سود العوارض مشيبه
واكره إلى صديت أرّحب إلى جيت = ترحيبةٍ من روح روحٍ لبيبه
من يمكم فكروا بي الناس ضرّيت = أحب من مهراع عودٍ لصيبه
إلى مرضت وشفت زولك تعافيت = أنا المريض اللي وليفه طبيبه
كميت جرح الود لين أني أزريت = ولولا امتحان الذيب ما علا قنيبه
مامرةٍ في هرجة الود زلّيت = من عرفتي روحي إلى قولتي به
قالوا جهلت بالجهل قريت = الجاهل اللي قال لي وش تبي به
وإلى نصحني ناصحٍ عنك ماوحيت = يزيد حب مولعٍ في حبيبه
الـمـــبـدع // عبدالله بن حمود بن سبيل
عقب الاقبال صديت 
رد: عقب الاقبال صديت 
