قصيدة صقر النصافي

[الصــارم]

ياعلي خل العيـد لأم الدناديـش=اللي تنظف كـل يـوم جسدهـا
تبغي تماري ناقضات العكاريش=في كل ملفـاح تنقـض جعدهـا
العيد عيدالله ولو فـات حتيـش=من حسبة ايـام يمـرك عددهـا
نبي نعلمك المساري على الجيش=تمشي ذلولك لين يفتـر جهدهـا
خابرك مانت بضاريٌ للمطاريش=نبيك تونس حلوها مـن نكدهـا
ليله على مسرى وليله مغابيـش=وليله نخلي نومها لمـن رقدهـا
وليله على تمره وليله على عيش=وليله نوكلك اللحم صيـد يدهـا
ياعلي لاجيت العرب لاتجي تيش=خبل ليا جاب السوالف سردهـا
إحفظ لسانك لا يجي فيه تبطيش=تصبح عيونك كايـدات رمدهـا
يجيك من ينشدك نشـدة تكديـش=يبـي يسنـع هرجـة يعتمدهـا
خله يقوم مفلت في يـده ريـش=يروح منك وحاجته ما وجدهـا
ترى دعابيل الخبـول الفوانيـش=تبدي بما فيها ولا احـد نشدهـا
يجيك واحدهم يـورش توريـش=سحابته يسبـق مطرهـا بردهـا
واللي لغمقات السوالف مناقيـش=قراية الكلمة علـى اول عددهـا
تجي سوالفهم بضحك وتبهيـش=وقلوبهم ما احد يفكـك اعقدهـا

الصاااااااارم

[حوريه الثامريه]

الصااااااااااااااارم

صح السااانك والسااان الشااااااااااعر

نقل راائع ومميز

تقبل خاالص تحياااتي ,,,

[الصــارم]

حوووووووووووريه دايم وافيه على الردود وسباقه

وتريليوووووووووووون شكر

الله لا يهينتس يا حووووريه

[الشـــلاحي]

صح لسانه
وتسلم يمينك اخوي الصارم على النقل الطيب
والاختيار الرائع

تحياتي

[الصــارم]

الشلاحي الف شكر والله لايهينك وتسلم طال عمرك

تحياااااتي

[محمد ابن عقوب]

صح لسااانك و لسااان صقر النصافي

قصيدهـ سبق أن قرأتها ومن المعجبين بها


الــــصـارم

أشكرك على تواصلك الطيب وإلى الأمام



تحيااااااااااااااااااااااتي ،،،

[الصــارم]

محمد طول عمرك وافي الله لا يهينك والف شكر على مرورك للقصيده وشرف لي