فز قلبي يـوم جتنـي مراسيلـه=عقب ماابطا شفت باالعين مرساله
احمد الله زان وقتي بعـد ميلـه=وانتثر ورد الفرح لـه وبقبالـه
واحدن تطرب له الروح وتشيلـه=من غلاته ودها اليـوم تشتالـه
فيه ابا اكتب نادر الشعر يزهيلـه=لين راع الصنف يطرب لموالـه
ليـن عـشـاق العذاراتغنيـلـه=أو اكـب الشعرواقـول عزالـه
الخجل بالعكـش يزهـا مظاليلـه=من حلاته نظـرة العيـن قتالـه
كن هرجه ينطقه مـن مكاحيلـه=كنه يرتـب كلامـي علـى بالـه
والخـدود ورودتوضـي قناديلـه=الله اكبر كل الاوصـاف تزهالـه
والنحر مثل القمر يوم يوضيلـه=ليلة(ن)قمراءوبالوصـف تختالـه
والجدايل من وراء تنوة الشيلـه=جمرة(ن) جتها الهبايب على فاله
والحشا ملهوف والردف تثقيلـه=لامشت بسـم الله الله علىحالـه
تقصر الخطوه لقلبـي وتوميلـه=لين راح القلـب فيهـا ويرثالـه
ولو بعد ماخاف من ناقل القيلـه=كان حطيته على البيـض خيالـه
يجذب قلوب البشر زاهي الشيلـه=مثل برق (ن)للمحيميـن بخيالـه