اول مشاركه لي حبيت انزل هذي القصيده
وهي قيلت في حفل زواج متعب بن جاسي

الشعر مثل الدم وسط الشراييين = حاسبله حسابه وحاسبلي حساب
من بيننا خوه ورفقه من سنين = خوة نقى ماهي عشاشيق واحباب
مكانته دايم على الراس و العين = ماكنه الا من طويلين الاشناب
لا قلتله ياشعر عجّل وهالحين = يقول تامر يابعد كل الاصحاب
واقولّه في يوم ليلة ثلاثين = افتح على شاني شبابيك وابواب
وابشرلك بشعرٍ يعدل الموازين = ماهو شعر هذا بلا ابوك ياعقاب
ماعندي الا قدح راس ونياشين = وعلق اشعاري على راس مرقاب
وشلون مبدع دامها بالحمادين = الابه اللي مابها شي ينعاب
لابة شرف تكرم عن النقص والشين = ذولا بني عمي عريبين الانساب
ذولا مذعرة الملا والسلاطين = من غيرهم حاز المعالي والالقاب
ومن غيرهم ستر البنت المزايين = مال الفعايل عندهم عد وحساب
ذولا الديويله ملحقين المخلين = حريبهم لو مانذبح راح منصاب
انتو أهل الوقفات مبطي وهالحين = ياحي طاريكم مع كل الاجناب
رجالكم ينطح من القوم تسعين = وصغيركم ساق الحضر في ام دباب
واليوم في محفل سعوط المجانين = ماغيب واللي مثل شرواي ماغاب
مبروك يامتعب عسى فالك يزين = يالصيرمي ياشوق تلعات الارقاب
يالذيب يبن الذيب طلق الحجاجين = جاسي زعيم الطيب فكاك الانشاب
ابوك مايحليه ياكود الاثنين = ياعنتر العبسي يابن غانم ذياب
و انا من الوافين نسل الدياحين = خيالة الشرفا عريبين الانساب
اعيدها والمدح يزهى الحمادين = الابه اللي فعلها حي ماغاب

الشاعر تركي الديحاني

رمانة القلب محرقها أنت بعيونك = وإلا عراويه قاضبها أنت بيدينك
يابعد فرقك على ناس ٍ يمارونك = لو يوزن الزين مالت به موازينك

ياتافه الناس تبطي ماتجي قدي=لاكبرت السالفه دمعتك مذروفه
ماتعرف الهزل يالتافه من الجدي=ماتدري ان البلد بالليل محيوفه
خلك بعمياك مع هاته على ودي=والياقربت الخطر غنيت معزوفه