الصــــــــــــــــــــــــــــــــــــــــداقه

وضحه · #1 20-Mar-2007, 02:30 AM

مساكم الله بالخير والرضا.........

هذي احد قصائدي اللي كتبتها وأنا أشوف هال قصيده قريبه حيل من قلبي بحكم موضوعها الأساسي وهو الصــــــــــــداقة
ودي أقول حكاية ها لقصيده عشان الكل يشوف صدمتي وقتها
بداية الموضوع.......
حنا6 بنات قريبات حيل من بعض وكان من بين ها6
وحده تفهمني حيل اسمها دلال وطبعا مكانة دلال غير لانها تحس بكل شي فيني
عرفنا بعض من أيام أولى ثانوي وتمت ها لصداقه على كل شي حلو إن فرحنا فرحنا مع بعض وان زعلنا زعلنا من بعض ألين انقطعت عن الكلية للظروف خاصة فيني لمدة سنتين وبعد ها لمده رجعت لقيت وحده منهم اسمها منى مصادقه بنت متعجرفة مغرورة حقود
ليش قلت عنها ها الكلام ؟؟؟؟
لان فيه حكاية بعد لها لموضوع بختصااااااااار
البنت ذي ما تحبني مقهورة ليش أكثر بنات الكلية متعلقات في وبخواتي
قالت هالكلام للمنى ولبنات كثرات تقول أنا اكره وضحى ليش وش سبب تعلق البنات بخوات وضحى .........والخ
المهم وصلني هالكلام عن البنت الحقود رحت ووصلته لرفايقي وعطيتهن رؤؤس أقلام
بعد ما سحبت منى قامت تأخذ رفايقي وحده ورى وحده وأنا أشوف؟؟؟

وقتها أقول اللي يبيني يدلني ومايشوفن شر أهم شي دلال ما خلتني؟؟؟
ألين بدآ الكورس الثاني كان ذاك اليوم يوم متعب كنت نازله من الدرج مخلصه من اختباري وأدور على دلال؟؟؟؟؟؟؟؟؟؟؟؟؟
من خلصت الدرج الأخير شفت بعيني دلال مع البنت الحقودة اللي تكرهني ؟؟؟؟؟؟
وكانت طريقة كلامهن ميانه وكانن يضحكن بقوه أنا أشوفهن وهن ما يشوفني الصراحة بكيت بانهيار وحاولت اخفي خنقتي وقهر رحت للبيت وحسيت أني بموت لو ما طلعت ها لقصيده مني؟؟؟؟؟؟؟؟؟؟
بالقصيدة أنا قسيت على البنت اللي شتت شمل زمالتنا صدقوني لو تدرون وش سوت لي وش قالت بحقي محد يلومني ويمكن لو احد بمكاني يقول أكثر مما قلت
أنا أبي اعتذر للمتلقي لأنه الوحيد اللي يستحق الاعتذار عن بعض قساوة الألفاظ
اقووووووووووول:::

بين ألصداقه والغلا والمشاريه = أسرار باحتها السنين الاخيره
يوم الزمن غير علينا ممشايه = ضاقت بعيني كل شبه الجزيرة
الجرح ينزف ملقى من يداويه = الصدمه اللي صدق كانت كبيره
عجزت لأحبس دمع عيني وأخفيه = وأقول خيره بس ماهي بخيره
يوم انكسرت وخان وقي مباديه = وغرقت خدودي بالدموع الغزيرة
ياحر كبدي من هذا الوقت وش فيه = إلا الخيانة وانكشاف ألسريره
بيني وبين أصحاب قلبي وأهاليه= الملح والبارود وأم الذخيرة
فتنه بدون إنذار مسبق وتنويه=وأشياء كانت في عيوني صغيره
وكبرت ولا أعطاني الزمن أي تنبيه = وحز الفراق وقرر الله مصيره
من سبة اللي تبطن الحسد والتيه =والكره والنمه وغيره وغيره
راحن خوياتي من ألهيه للهيه= وقامت تولاني كسيره كسيره
وحده ورى وحده وأنا أقولكم ليه =أكون أنا وانتن ضحية حقيره
بنت ألردي وأخت العفن والمسا فيه= وشلون صارت بالصداقه جديره
مابين وجه وجاه جيه وتوجيه = قامت تحرك بالعلوم الخطير ه
والحزن قام يبيع قلبي ويشريه= وتربعت بعيوني المستدير ه
حتى دلال أم الغنج ورثة البيه =جرة لها بنت (000)الزر يره
راحت وخلتني وأنا أقول لبيه =لبيه يا وقتا مضى كيف أديره
يا ويل وضحه وأنا وين أوديه =قلبن تلوعه هالحياة المرير ه
لأكن مدام الورد بيدي واساقيه = عزاي بالورد وعزاي بعبيره
لجل ألصداقه والغلا والمشاريه = بقول خيره لو ماهي بخيره

وسلامتكم.............

بندر ابن مبرد · #2 20-Mar-2007, 02:42 AM

لـــــــــي عوده

برق الوسم · #3 20-Mar-2007, 02:42 AM

صح لسانك شاعرتنا القديره وضحه

صح لسانك مليون ولايكفون يتجدد الابداع بقلم المبدعين

لاهنتي اختي الغاليه وباانتظار ابداعاتك القادمه لاهنتي

نحياااتووو برق الوسم

وضحه · #4 20-Mar-2007, 02:54 AM

صح بدنك اخوي برق ومشكور على ذوقك
ومشكور اخوي ابو عمر على الترحيب ولاهنت

بندر ابن مبرد · #5 20-Mar-2007, 03:07 AM

هلا بختي الغاليه وصح لسانك والله ولاهنتي على القصيده

ابيات روووعه فيها المحبه والصدقاه الطيبه

ننتظر منك الجديد ياشاعرتنا

تحيه طيبه لك

محمد ابن عقوب · #6 20-Mar-2007, 01:52 PM

لي عودهـ لهذه الرااائعه

ولو ماكاان عندي دوااام اللحين لكااااان رديت عليه

باللي تستحقه هذه الراااائعه ...

وكما هو معرووف >> لكل مقامٍ مقال <<

أرجوا المعذره ... و عودتي بعد الدوووام

تحيااااااااااااتي لك

رهوفه · #7 20-Mar-2007, 04:47 PM

السلام عليكم ورحمة الله وبركاته

اختي الغالية وضحه عوضك على الله وان شاء الله سوف يعلموا بانهم خسروا ارق والطف واصدق انسانه عرفوها بحياتهم لكن انت لك الصبر والتحمل اعلم ان مامرت به كان صعب عليك كثيرا لكن انتظري ندمهم القادم وستقبليه بأبتسامة صغيرة وارجوا ان لا تغلقي الابواب بوجههم

سلمت اختي على هل ابيات التي اظهرة طيبة قلبك وحبك لاصدقائك الكبير ودمتي بكل الود

اختك رهوفه

وضحه · #8 21-Mar-2007, 02:47 AM

ma ورهوفه الله يسلم عماركم
وجعل ربي يعوضني ذا اهم شي
اشكر ردكم الحلو وعلى راسي

محمد ابن عقوب · #9 21-Mar-2007, 04:43 AM

الله .. الله .. الله

حقيقةً أنا أول مرهـ أقراء قصيده لفتاة بهذه الجزاله وفي هالوقت ..

أنا أطلعت على شاعرات كثير وفي أزمنه متفاوته لكن .. بهالوقت لا ..

الحق ينقال قصيدهـ رائعه و جزله و تحكي عن شيء من ضروريات الحياه اللي هي الصداقه الحقيقة الأصيله و الخيانه و أثرها على المشاعر و الأحاسيس ..

أشكرك على هالراااااائعه .. وحقيقة لو أبي أمدح القصيده أخاف أذمها ...

على قولة سعد علوش : لأن الحكي بها ينقص مايزيد ...

شاكرلك على الطرح الراااائع و أتمنى أن تتحفينا ببوحك الرائع ولا تبخلي علينا ..

تمنياتي لك بتوفيق بجميع أمور الحياهـ

تقبلي تحياتي و تقديري لشخصك الرائع

دمتي بخير و عافيه

محمد أبن عقوب

وضحه · #10 22-Mar-2007, 05:54 AM

محمد يعقووووووووووووووووب

الله يسعد صباحك اخوي واشكرك على هالذوق

الحلوووووووووووووو والراقي

وانشاء الله فيه جديد وفيه حلوه بس اتفرغ

وابشرو تستاهلون عيوني
تحاتي لك ومشكور ولا هنت

فجر الحمادين · #11 22-Mar-2007, 09:00 AM

صح لسانك وضحه
ويابخت اللي يفوز بصداقتك لأنك تقدّرين الصداقه
والله يعوضك خير بخوياتك اللي راحوا
مبدعه شاعرتنا
سجلي اعجابي بهالقصيده

تقبلي مروري

تحياتي

فجورة

مستاحشين الدار · #12 25-Mar-2007, 02:18 AM

سلام....

صح السانج اختي وضحه والله يعطيج العافيه ......

لا نقطع من هالمشاركات الجميله