"عطنـــي مقفــــاكـ"

فجر الحمادين · #1 28-Jan-2007, 05:52 PM

مرحباااااا
قصيدة روعة للشاعر المتألق "ضـــــاوي"
اعجبتني فنقلتها لكم
اتمنى تنال استحسانكم

اطلق سراحي........يامقيد حياتي=حريتي ضاعت على طول رجواك
كنت احسبك روحي وعيني ونجاتي=أثرك سراب يخدع العين رؤياك
أنا عطيتك .....كل عطفي وذاتي=واعطيتني هدية العشرة اشواك
لا صار في قربك عذابي وشقاتي=ارحم قليبٍ ابتلى فيك فرقاك
ياصاحبي لاشك منته شراتي=ولا اعتقد بأكون مثلك وشرواك
دامك تبي تفرض عليه سكاتي=خلك على صمتك وجابل سواياك
ماني بميت قبل حزة وفاتي=العمر بيد اللي خلق ورد واشواك
بقولها لك لجل تآخذ وصاتي=والا بمان الله.....عطني مقفـــــــاك

مع خالص تحياتي

الريس · #2 28-Jan-2007, 10:49 PM

أعطني حريتي أطلق يديا ....

فكره جميله جدا

وتوظيف جميل للشعر النبطي من الشاعر ضاوي

وحسن اختيار منك أختي فجر الحمادين

بارك الله فيك...ويسعد مساك

لك احترامي

أخوك الريس

شوووق العيووون · #3 29-Jan-2007, 12:35 AM

الله الله رووووعه يالغلااااااا،،

صح لسان الشاعر ولاهنتِ ع النقل ،،،

تقبلي مروري المتواضع
شوق العيون

برق الوسم · #4 29-Jan-2007, 03:12 AM

فجر الحمادين

صح لسان الشاعر

وتسلمي على النقل الرائع الموفق

تسلمي لاهنتي اختي برق الوســـــــــم

فجر الحمادين · #5 29-Jan-2007, 04:00 AM

الريس
الله يسعد مساك يالغالي
عطر مرورك نــــــــّور القصيدة
الله يعطيكـ العافيه

تقبل تحياتي

فجر الحمادين · #6 29-Jan-2007, 04:02 AM

شـــوق العيون
مرورك عندي مكانه عاااااالي
لاتحرمينا طلتك ياقلبي

لاعدمنااااك

تشكراتي لك

تحياتي

فجر الحمادين · #7 29-Jan-2007, 04:03 AM

برررق الوســــم

تسلم على المرور العاطر

تواجدك اسعدني

يعطيك العافيه

تحياتي

محمد ابن عقوب · #8 29-Jan-2007, 12:51 PM

فجر ...

والله أنه خطير هالشاعر ....

مره وحده >> عطنـــي مقفــــاكـ

اللي قال عطني مقفاك << عز الله انه ماحب ولا راح يحب ...

والله لو انه يحب .. لو قالت هي عطنـــي مقفــــاكـ !! ماقفى ...

لكن شعراء هاليومين حب ع الماشي ...

تحيااااااااااااااتي

رهوفه · #9 29-Jan-2007, 02:04 PM

السلام عليكم ورحمة الله وبركاته

قوية تلك الكلمات التي انطلقت من قلب المحب مشكورة اختي فجر على هل نقل لهذه القصيدة التي تحمل في طياتها صبر على الفراق وقوة بالكلام

اطلق سراحي يامقيد حياتي
حريتي ضاعت على طول رجواك

كنت احسبك روحي وعيني ونجاتي
أثرك سراب يخدع العين رؤيـاك

ماني بميـت قبـل حـزة وفاتـي
العمر بيد اللي خلق ورد واشـواك

بقولها لك لجـل تآخـذ وصاتـي
والا بمان الله عطنـي مقفـاك

سلمت يمناك اختي ودمتي بكل الود

اختك رهوفه

ابونادر · #10 30-Jan-2007, 12:38 AM

ماني بميـت قبـل حـزة وفاتـي=العمر بيد اللي خلق ورد واشواك
بقولها لك لجـل تآخـذ وصاتـي=والا بمان الله.....عطنـي مقفـاك

امحق حب اللي هذا . اخره

...

تسملم يدينك على اختيارك للقصيدة ونقلها لنا يعطيك العافيه

صح لسان الشاعرعلى هلابيات الجميلة غيرالبيت ألاخير

لك كل الاحتراااااااام

....

فجر الحمادين · #11 31-Jan-2007, 04:25 AM

اقتباس:

محمد أبن عقوب فجر ...
والله أنه خطير هالشاعر ....
مره وحده >> عطنـــي مقفــــاكـ

اخوي محمد صج قويه هالكلمه..بس معذور
الشاعر تلقى محبوبه دابل(ن) كبده
ورافعن ضغطه هههههههههههههه

اقتباس:

اللي قال عطني مقفاك << عز الله انه ماحب ولا راح يحب ...
والله لو انه يحب .. لو قالت هي عطنـــي مقفــــاكـ !! ماقفى ...
لكن شعراء هاليومين حب ع الماشي ...

ويمكن يكون حبه بجنووووووون...!!

اتشكرك ع المرور
تحياتي

فجر الحمادين · #12 31-Jan-2007, 04:30 AM

اقتباس:

قوية تلك الكلمات التي انطلقت من قلب المحب مشكورة اختي فجر على هل نقل لهذه القصيدة التي تحمل في طياتها صبر على الفراق وقوة بالكلام

اهي فعلاً فيها شوية كلمات قويه لكن
يمكن يكون الشاعر معذور..
ومحد يدري شنو الظروف اللي اجبرته على هالكلام...!!!

عموماً رهوفه قلبي مرورك اسعدني

لك تحياتي يالغالية

فجر الحمادين · #13 31-Jan-2007, 04:34 AM

اقتباس:

امحق حب اللي هذا . اخره
تسملم يدينك على اختيارك للقصيدة ونقلها لنا يعطيك العافيه
صح لسان الشاعرعلى هلابيات الجميلة غيرالبيت ألاخير

الله يسلمــــــــك بونادر
عاد تصدق ياطويل العمر انا ماعجبني الا البيت الأخير
خخخخخخخخخ<<<<وحده شرانيه
وماخلاني انقلها لكم الا التميز في اخر بيت

اتشكرك ع المرور بونادر

تحياتي لك,,,