الولد يعتبر أغلى ما للشخص فهو من يحمل المسؤولية بعد والده
وشاعرنا الكبير سليمان بن شريم يقدّم هذه النصيحه الثمينه لكل
إبن يتطلع للمكانه العاليه في الدنيا والآخرة ... هي لكم ...
يامل عينٍ في محاجيرها شوك=والقلب به عن لذة النوم تكاك
لا دك في قلبي من الهم داكوك=جاوبت طربات الحمايم على الراك
عزي لحالك ياعزيّز وأنا أبوك =كان الزمان اللي وطاني توطاك
أفهم وصاتي ياعزيّز وأنا أبوك=دامك صغير وغاية العلم يقراك
تراه ما ينفعك خالك ولا أخوك=لا صار ما تقضي لزومك بيمناك
وربعك ليا بان الخلل فيك عافوك=أقرب قريب لك من الناس يشناك
إن كثر مالك صدقواّ لك وطاعوك=وإن قل ما بيديك شانت حلاياك
لو تطلب الماء عندهم كان ما أسقوك=إبعد مزارك عن وطنهم ومرباك
وإن طاب حظك صدقواّ لك وحبوك= وإن بار كلٍ مايبي غير فرقاك
وإلا إعترض لك من صروف النيا صوك=كل تبرا منك ماهوب وياك
هراجة المجلس إلى جيت وروك=منازلٍ تطرب نظيرك بدنياك
وإليا قضوا منك اللوازم وخلوك=تفرقوا وأنت إحتمل كل ماجاك
كنك سراج البيت للنور شبوّك=وإليا إنقضى اللازم حدى الربع طفاك
وألا كما ليمونة الحمض مصوك= وإلا قضى منها الطعم فرغوا ذاك
واللي يجي من رفقته ريب وشكوك=إحذر عنه لياك تصدف بمسراك
وإليا جفوك أهل الوطن وإستخفوك=قلّع غريسك منه وإهدم ركاياك
تراك لو تنجع على الربع صعلوك=أحسن من اللي تلتجي به وياطاك
عطهم وضيفتهم إلا منهم جوك=وإغلق ضميرك لا تعلم بقصياك
إن طبت ما حبوكّ وإن عبت زالوك=تمضي حياتك ناقلٍ داك برداك
وإليا نفوك من الوظيفه وعافوك=خفت موازينك وكلٍ تهقواك
وإصحى لخلان الرخا لو تغالوك=إعرف ترى أطيبهم إليا إحتجت يجفاك
كنك خوي مقيط دهووك وأغووك=وحقك عطاك رشاك وأقفى وخلاك
وإحذر عن العله ترى الحق مدروك=مثل العمل يدركك مامنه فكاك
وإن كان عدوانك على الضيق حدوك=فإخصم طلابتهم بعجفاك وقداك
وإن كانهم لمشرّف الحق ماشوك= ناظر مطاليع الفرج قبل مبداك
وإن طاوعوا شيطان الأنفس وهانوك=فإصبر على البلوى ودفنك رزاياك
زرهم تراك إليا تونيت زاروك=إن مابديت لصاحب السو يبداك
مادامهم ماطاوعوا لك وعرفوك=إضرب على الكايد إليا عمست ارياك
لو هذبوك من المصاوب وضدوك= ما يذبحونك قبل تدني مناياك
وإحلم على الجاهل ترى الحلم مبروك=وقم للضعيف اللي من الظيم ينخاك
وإدمح خطا جيران بيتك إليا أوذوك=ترى القصير وحرمة الجار بحماك
عطهم لوازم حقهم لو تناسوك= في كل ما يصلح لدينك ودنياك
وقم للضيوف اللي لفوا لك وضافوك=أغلى كرامتهم حجاجك وبشرك
وإعرف ترى مالك للأضياف مشروك=لولاه يطلب حاجته منك ماجاك
وقم للرجال إن رايعوا لك وحبوك=وإحشم خويك وأكرمه عند ملفاك
وإليا إعتبرت بسيرة الناس كفوك=ما كثر من شي أتعبك ثم عنّاك
ولولا تبات بهمّ دنياك مظنوك=ماطاب لك مادام لك وإفتهم ذاك
لو يطلبون إخفايك الناس ما أخفوك=الرجل مثل النجم في كل الأفلاك
وصلاة ربي عدّ الأوراق والشوك=أوناض براقٍ وماهل سفاك
على الذي مافيه ريبٍ ولا شكوك=محمدٍ مادك بالقلب دكاك
الشاعر // سليمان بن شريم
دمتم بخير
__________________
رمانة القلب محرقها أنت بعيونك = وإلا عراويه قاضبها أنت بيدينك
يابعد فرقك على ناس ٍ يمارونك = لو يوزن الزين مالت به موازينك
الشيخ // مليح ابن محمد الحميداني
رحمه الله
التعديل الأخير تم بواسطة محمد ابن عقوب ; 04-Dec-2006 الساعة 05:42 AM.
__________________
اذا كان فى يوم أسأت لكـ متعمداً او من غير قصد ،،فانى اطلب منك السماح،
اللهم انى سامحت كل من أساء لي فى حضوري او غيابى لوجهك الكريم...
^^ عـــزي لــحـــالـك ^^ 
رد: ^^ عـــزي لــحـــالـك ^^ 
رد: ^^ عـــزي لــحـــالـك ^^ 
