الموقع : ثلاجة في بقاله
الوقت : اثنعشر الا ربع بالليل11:45
البيبسي : اختي ميرندا ... قاعدة والا نايمة
ميرندا : هلا .. لالا قاعدة .. ليش تو الناس باقي
ربع ساعة وبيسكر الهندي هالأنوار وبعدها بنام
البيبسي : هل لي بحوار جانبي معك
( اللللللللللللله عالاسلوب )
..ميرندا : ايييييه عادي اشدعوه؟
.. البيبسي : ماهي نوعية الحوارات
..أقصد اللي تحبينها
ترا جذي الاسلوب علشان يسحب معاج الخط
(اقصد الحوار.. خخخخخخخ )
ميرندا : ماعندي شي معين بعدين انت ناوي
تطول بالكلام ؟
تبيني اعتذر من ابوي وانام برا الصندوق
( صندوق الميرندا)
...البيبسي ( مستانس ) : اييييه كلامي مايخلص ولا باجر
انا اصلا كانوا يقولون عني راعي طويلة.
ميرندا : تدري عاد أسلوبك وطرحك حلو بس
أبوي يقول لا تمشون مع السود !!
البيبسي : ليش ترا والله ما نعظ ... أليفين
ميرندا : بس تصدق انا معجبة بسوادك
,,,كأنه سواد ليلة مافيها قمرا
سواد كالح كنه فحمة من كيس هالفحم اللي في
المستودع تحت ... انا معجبة فيك بصراحة
البيبسي : يؤ..يؤ..يؤ .. احرجتيني .. أمي والله صاجة
... ميرندا : ليش شنو قالت أمك
...البيبسي : أمي تقول إن الميرندا أحلى من الفراولة
ماتتدلعين نفس الفراولة
...ميرندا : ياحظي .. قال فراولة قال
شيخليني اتدلع ؟؟!!
البيبسي : لا يعني لون الفراولة .. احلى من لونك
(الريال بدا يخور )
... لونها احمر
ميرندا : نعم نعم نعم .... شنو قلت؟
انا اشفيه لوني
البيبسي : لا والله مو قصدي بس لونك كأنه لون
هالهندي اللي بالدكان اذا صار محصور ... برتقالي
...ميرندا : والله حبيبي اذا مو عاجبك
...خلني اروح لصندوقنا بس
البيبسي : يؤ ..يؤ..يؤ... يالزعولة ليش زعلتي
عاد من كلامي ..
(وفي هاللحظة فتح الهندي الثلاجة وحط فيها فراولة)
البيبسي : هلا والله وغلا بالفراولة ... يوووووووه
يازينها زيناااااه .... الحين بس نورت الثلاجة ..
ميرندا : هاااا والله شي ... وقدامي تتغزل فيها وانا
من الصبح معاك يا الاسود يالمحترق ..
فراولة : ههههههههههههه ... اشفيها هذي معصبة
جنها طقاقة ما نقطوها بحفلة زواج ها ها ها هاي
البيبسي : لالا ماعليك منها أنت بس قولي لي شنو
هالحلاوة شنو هاللون الحلو ..
ميرندا : اقول يالحمرا ء اللي لونك ماله داعي
هههههههههه..
فراولة : ههييييي هااااااا ضحكتيني يعني..!!
يالبرتقالية روحي بس ما احد شراج
لك اسبوع هني مرزوعة محد يبيج ..
ميرندا : والله ... ياشيخة تعالي دغدغيني احسن
البيبسي : ياجماعة كل وحده فيكم لها مميزات
ولها صفات مستقلة خلونا بس في المفيد
وفي هاللحظة قاربت الساعة على 12 بالليل ويا زبون
وخذ معاه البيبسي والميرندا والفراولة بكيس واحد
بيوديهم معاه للبيت..
( وهذا الحوار اللي بالكيس )
البيبسي : هذي الساعة المباركة
يوم صرنا بكيس واحد متقاربين..
ميرندا : اقول شفيك مقرب للفراولة خلها
تتنفس طيب حاشرها( بدت الغيرة)
فراولة : يؤ ... من سألج انتي الثانية
بعدين شكوووووو
بيبسي : لاتحرجوني !! انا استحي من ظلي !!
يؤ..يؤ..يؤ....وخري ياميرندا شوي
ميرندا : هذا بعد الهندي ماحطنا بكيس كبير
حشرنا بهالكيس هالبخيل..
في هاللحظة أخذ الزبون الفراولة
!!وشربها وما بقي بالكيس الا البيبسي والميرندا
!!البيبسي : الحمد لله كانت مضايقتنا الفراولة
( منافق وماله خاتمة البيبسي )
!!ميرندا : يؤ ... توني صرت غالية عندك
اقلب ويهك بس
البيبسي :آه ... ضاعت على الفراولة والحين ضاعت
الميرندا .... اشسويت انا وويهي ..
ميرندا : اذلف بس ووخر عني ولا تكلمني !!
البيبسي : آه .... والله احتريت
( ارتفعت درجة حرارته )
ميرندا : ايه عارفه من يوم راحت عنك الفراولة
وانت متجه علي وتعبتني وكسرت قلبي ..
البيبسي : اييييييييه والله مريضة
لا أكون انا السبب
وفي هذه الاثناء اصبحت حرارة الميرندا
مرتفعة وانشد البيبسي بهذه
القصيدة يصف حال الميرندا موجه كلامه للزبون
اللي خذ الميرندا وشرب منها جزء
بسيط وألقى بها في سلة المهملات
( لأن حرارتها مرتفعة جدا)
: وبكى البيبسي في هذه الاثناء وقال
قالوا الميرندا محموم فقلت لهم .... انا الذي كنت في حمائه السبب
عانقته ولهيب النار في كبدي ... فأثرت فيه تـــلك النار فالتـهب
تحيااااااااااتي
