إليكم هذه القصيده آمل أن تحوز على إعجابكم وترتقي لأذواقكم ....
ياجر قلـب جـر لـدن الغصونـي=أغصون سدراً جرهـا السيـل جـرا
وأهله مـن أول بالـورق يورقونـي=علـى غديـراً تحتـه المـا يـقـرا
على الـذي مشيـه تخطـي بهونـي=والعصر مـن بيـن الفريقيـن مـرا
وأكثر عذاب القلـب يـوم أسنحونـي=بيـح بصبـري لـو بغيـت أتـدرا
لاضاق صدري قمت أباري الضعوني=مـع الخفـا وعـن الحسـود اتـدرا
وقلبي عليه أشفـق وتبكـي عيونـي=والحـال مـن ود الحبيـب تـبـرا
ياعزتيلـي مـن تفـرق شطـونـي=عزا لـي ارمـي بالسلـب واتعـرا
أدعج غنـج يذبـح بسـود العيونـي=يذبـح ليامنـه هـنـف واستـمـرا
أن مت في,, غالي حشـاه أدفنونـي=في مستكـن الـروح ماهـوب بـرا
يضفـي علـي بخينقـه والقرونـي=ومبيسـمٍ عـن الهبـائـب مــذرا
وحداً كما البـراق وسـط المزونـي=تقـول بـراق مـن الصيـف سـرا
وقفـت عنـده شايهـاتٍٍ عيـونـي=كنـي غـريـرٍ باللهاوي مـضـرا
فأن كنت فـي حـدٍ بعيـد أنقلونـي=علـى هـديّ الزمـل مشيـه تـدرا
لامبـعـد عنـهـم ولاقـربـونـي=ولاعايـفً منهـم ولانـي مــورا
ياليتـهـم بالـحـب ماولـعـونـي=كان أبعدوا.. عنـي بخيـراً وشـرا
أوّ ..ليتهم عـن حاجتـي سايلونـي=يـوم أنـي أقعـد عندهـم وتـحـرا
أوّ.. ليتهـم يـوم أنهـم ولعـونـي=خلونـي آخـذ عـازتـي وتــدرا
أوّ ..ليتهـم مـن زادهـم أطعمونـي=حيثـي علـى اليّتيـم قمـت أتجـرا
وياليتهـم بـالـدرب ماواجهـونـي=وياليتهـم مـازدو الحـلـو مــرا
لا والله اللـى بالهـوى هوّجرونـي=هجـرٍ بـه الحيـلات عيـت تسـرا
الشاعر / دخيل الله بن عبدالله الدجيما , يرحمه الله
^^ من قصائد العشق ^^ 
رد: ^^ من قصائد العشق ^^ 
رد: ^^ من قصائد العشق ^^ 
