اخذيني اليا عجبتك بس رديني =وإن ما عجبتك خلاص اخذيني مابيني
ما دامني شفت فيك الطهر و العفة =باعيف نفسي ليا منك كرهتيني
اخذيني لو أعتبر من ضمن أشيائك =و أنا باحبك و لا لازم تحبيني
لابي علاقة و لابي نظرة و بسمه =احساسي اني بقربك بس يكفيني
و لو اني انضفت لاشيائك غصب عنك =طلّي علي يا غناتي لا تخليني
تراي لا جا المصامد ماني بهيّن =تقول كن العرب لعبة بيدّيني
شخصيّتي من غرابتها و طيبتها =كن الزمن في تحدّي بينه و بيني
اخذيني الشاعر اللي ما صدق حظه =لا قلت يا حظ وينك ؟ قال يا ويني
اخذيني المبدع المتفلسف التحفه =مؤمن و تضحك على العالم شياطيني
شهرة شكسبير و أفلاطون و نيوتن =لا قلت لي بيت شعر .. تطيح من عيني
اخذيني العنصري اللي صدق متعنصر =من دون ربعي لو أقطّع شراييني
اخذيني اللي ليا منه طلب يعطى =و تكفين لا من طلبتك .. لا ترديني
تكفين يا غايتي يا بهجة الدنيا =اب احرق قلوب ناسٍ ما تدانيني
اخذيني بكل شوق و قولي أحبّه =و ان شكّكوا فيك والا فيّ .. ضميني
قولي سعد و والله انه غالي جدا =ويا جعل فدوه .. شبابي و آخر سنيني
و أنا باصدق كلامك و اعتنز بالله =و ب اقول للناس ما يعنيك يعنيني
و أنا علي نذر . ما أرخص جيتك و أنتي =نذرٍ على رقبتك إنك .. ما تخليني

رمانة القلب محرقها أنت بعيونك = وإلا عراويه قاضبها أنت بيدينك
يابعد فرقك على ناس ٍ يمارونك = لو يوزن الزين مالت به موازينك