قبـل الخشوش والدخـول انبطأحأ للمـوضوع الي مأفهمـو ولأ استنتجـو شئ من مـوضعـي السـابق هأنـا أطـرح بيـن أيأديكم البيضـا قصتي في صيـف 2007 *3
في يوم من الايام كنت طالع مع صديقـي نـاصر البعـير نتمشى وندوج في هالشوارع ...مافيـه هندي ماحذفنـاه ببيض ومافيـه زول (سوداني ) الا وقلنا له وصفلنا المكان الفلاني . :D . ومافيـه مصري الاوقلنا له تكفى نبي دينار مقطوعين بنزين وطفرانين(والله ياهو بيعطيك :D ) .. ومافيـه مواطن الا وقلنا له ترا فيه حريق في المكان الفلاني رح شفه وطبعا كلهم يتزقلبون يدربون هالروس ولايدرون وين الله حاطهم ولو تقول وشلون نطفي هالحريق قالو ببنزين ناس دلوخ :D ويحبون اللقافه الصراحه .. المهم رجعت للبيت اخر الليل .. لقيت ابوي منجطل في الصاله يطآلع على التلفزيون والله وآآمر وآوطاه ولا كني شفته لاني مدبر وضعي اذا هآوش بقول معليش كنت آحسبك الرجل الحديدي حق اخوي الصغير محذوف عـلى الارض بس اشوا حبيب مايقول شي :D . . بعد ماوطيته وانا في نص رقيتي للدرج ... حسيت بألم في نفسي <- - صار يحس الولد هالايام :D ورجعت له وقلتله يبه تحبني ..؟؟!! قال والله لو انك اخاصمك اه اسيبك لا لالا قلت يبه بلا مصاله تحبني ولا لأ ؟؟ قال انقلع عن وجهي لابارك الله فيك ولا في اللي جابك .. قلت كثر الله من امثالك مسوي بحرجه انا وجهي .. ولفيت راسي مدنقا وعلامات الاسى والحزن في محياي ومشيت خطوتين ,, ثم التفت قلت يبه 'طآلعني زين وطآلع ملامحي انا ولدك تحبني ولا لأ ؟ انا كملت الجمله ولا ماكملت مادريت الا بريحه خياس لاصقه في وجهي وقعدت تروح واشوف شي بني غامق وقريب من وجهي ... !!! وفي نفس اللحظه وهالجسم لازق في وجهي وريحه الخياس بغت تخليني يغمى على قلت يبه انا اعرف ان الولد اذا تهاوش مع ابوه .. فالابو لازم يوكله شي بالكلام موب يوكله اياه من قلب !! والله واحاول اشيل هالجسم والله والقاها بنت آختي الصغيرهـ ام سنتين اثر ابوي راميها ولزقت بوجهي ياحليلها قسم بالله هالبزر ياناس لو تشوفونها كنها زمزميه شاهي وطولها مثل طول راسي يعني مايتعدى 40 سم ... المهم يوم شلت هالبزر اللي متعلق في وجهي توني استوعب ليه اسال ابوي هالسؤال وليه البثاره !! فحسيت انه وقت فراغ قاتل وحبيت اقضيه باستهبال برئ ولله وعجبني الوضع واصعد لامي قلت يمه تحبيني ؟!! ردت بقول اصعقني صعقا صعيقا انا مكلوفه فيك انت الثاني عشان احبك .؟؟ قلت وش هاللي فاهمين الحب غلط ... ترا ماقلت اصرفي علي قلت تحبيني ولا لأ ؟ قالت اقلب وجهك بس ماعندنا امهات تحب عيالها وبطل كلام وصخ حب وماحب توك صغير !! قلت في نفسي اجل لو اجيب مباراه القآدسيه والعربي5 0للقآدسيه وش بتقول امي !!(صعبه القآدسيه يفوز بخمسه وميب متوقعه ابد )
<- -- موب يدق ابد بآلعربآويهـ :D
المهم بعد الكلام اللي صار بيني وبين ابوي وبيني وبين امي وانتهى كله بتهزئ ... جتني نشوه اول مره احس فيها وحسيت اني ابي اكتب قصيده ولا نثر ( موب نصر ) ولا خاطره ولا اي شي .. مع العلم اني ماقد جربت او حاولت اني اجرب اللا اللهم واحد قالي تبي حشيش تجرب قلت لا والله ( والله ياني اسمع بالشعر وعلاقته بالمخدرات تحسون اني مالي دخل في الدنيا )
دخلت الغرفه قفلت الباب وجبت ودفتر وقلم وقاموس انجليزي – عربي ليه مدري لحد يسالني
المهم اول محاوله لي اعتبرها هجاء الى ابي العزيزاسم القصيده (ابي الفاهي ) وقلت في مطلعها : ( هي مطلع ولا كامله على حسب مخي الصراحه ) المهم قلت فيها :
ابي انت منلحس ..
كفاك انلحاس..
.وبطل حركات النص كم اتفهم ياعزيزي؟!!
. لماذا لاتحبني!!!
هل لأني يتيم ..!!<== تحسون مالها دخل اببببببببببد
او لاني دلخ(ون) قاعد ..!!
************
انني دوما مندهش ...
في شكلك الفض وانت تعرمش..
تعرمش ماذا ؟؟ وتسالني ياأبي.!!
تعرمش دقاق ولحمه
ايعقل ان تعرمش رزايه ولا مكرونايه ؟
لا يا ابي لاتظن انني لااريد لك العيش والعرمشه
اريدك ان تعرمش بيداك ورجلاك <== 101 عرب قسم المثنى
أنني احبك يا ابي <== فيه الصيحه وهالجمله ماخذها من مسلسل متى تموت يا الفريدو حلقه رقم 2993 الجزء الاول
******** انتهت بحمدلله ********
في الساعه 12 ونص الظهر في الحوش جمب الديرفه درجه الحراره تقترب الى درجه الانصهار ولكني مازلت متماسكا للنهايه ...<= كذا الشعراء الفدائيين ياناس
التوقيع : خط طويل مستقيم ثم ثلاث خطوط متوازيه تقطع هالخط المستقيم ثم خط مستقيم ثاني يوازي الخط المستقيم اللي قبله وبرضو يقطع الثلاث مستقيمات المتوازيه
^
^
هذي الكتابه هي في اخر الورقه يوم كنت متشقق اني كتبت شي واول خاطره مدري قصيده اللي هي .. وش رايكم فيها بالله موب هجاء قوي للنعله فمن شدة الفرح اللي فيني وريتها ابوي بعد ماوريتها اياه ارسلني للبقاله اجيب جريده وقعدت سبوع من يوم رحت اجيب الجريده وانا ماطبيت البيت اثره مغير آقفآل البيبان وكارشني
فتماسكت وقلت يآقـلـق الشاعر والمبتدئ لازم يتعب ويعاني عشان يصير من كبار الشعراء وان هالشعراء مروا في مواقف اصعب من هالشئ فقررت اني اسوي اول فكره وهي محاوله ان تبقييني على قيد الحياه .. المهم اني دزيت لاقرب ورشه خليتهم يفصلون لي قالب على حجمي يحميني من درجه الحراره العاليه عشان اذا معت –اي- سحت داخل هذا القالب يكون جسمي متشكل على شكل هالقالب ومايبيلها الا ثلاجه في اقرب مستشفى وكلها ابو ساعتين وانا طالع نفس البومب ...المهم قبل ماتكتمل الخطه قهر ابوي سامحني وخلاني ارجع للبيت وجاب لي هديه متواضعه وكتب لي عليها اح.. ياولدي ... انا تشابكت امور الدشاره في ذهني وقلت اح ياولدي .. وماذا انا فاعلن بك يا أبتاه ..؟؟!!
وسالته صدق وش سويت بك يبه عشان تقول اح قال يالوح يعني احبك ياولدي ...!!! حتى ماكملها بس ولو انبسطت الصراحه وتشققت وقلت والله يآقلق لازم تكتب فيه قصيده ولا خاطره ولا مدري وش اسمها الزبده تكون مدح
وهذي مطلعها ويمكن تكون كل القصيده على حسب مزاجي الصراحه
واسم هذي القصيده ( نعم للزكرته يا أبي )
يبه تصدق انك رهيب ...
يبه تصدق اني نصبت عليك تنصيب <= لززوم نفس الوزن وش يعرفكم انتم
بابا انت صدق غنى فيك عبدالمجيد وقال عنك
رهيب والله رهيب
**********
ابتاه تصدق انك مالك داعي بعض المرات ...
تكرشني على كيفك عشاني اقولك الصدق في قلبي وفي فؤادي ( احس اني بحوس الوضع كله )
ابي ترا تسذا بديت تزعلني ...
الا الا هذي لاتزعلونها ,,, تفهم يالشيخ ؟
ماقصرت يا ابتاه ولا عاد تتعودها ولا بحش فيك بقصيده ثانيه
احبك يا ابي والدنيا تراها فانيه وثنين في اربعه يساوي ثمانيه <= نفس وزن اللي فوق كيفي
****** انتهت بحمدلله هذه القصيده*****
تم كتباتها عند حميـد الهندي راعي البقاله لازم الواحد يمخمخ في كتابه الشعر لكي يبدع ويخرج افضل ماعنده مثل ماسويت الحين
التوقيع : نفس الخطوط اللي فوق بس زياده نقطه ,, المهم توقيعي وش دخلكم انتم بتزورون شيكاتي الخاصه .؟؟! سامبا فيزا ماستر كارد اوربت سوبر موفيز
^^
^
بعد ماسلمت هالقصيده ابوي انشرح صدره اول كم سطر بعدين بغا يلعن شكلي في اخر كم سطر بس التفت علي قال ماينشره عليك
قلت شراهه الطيب يالشيخ <== يسمع بعلوم المرجله ولا يعرفها
المراد عرفت دوا ابوي قلت ياولد مدام ابوي حبني ,,, لازم اسوي في امي نفس الحركه والله واروح اكتب هجاء عن امي في قصيده اسميتها ( الام الشرسه ) وقلت في مطلعها :
امي من الامومه يا حرمه <= مالها دخل :D
ليه كذا ليه وش سويت بتس ؟ منيب ولدتس ؟
ولا هل انا ولد الشغاله ,,, الرحمه يا امتاه
ولا سوف افخت وافقع الى الابد
***********
اتعرفين ما الفخته ؟
انها العطه والنحشه ..
ولمااذا تبين تعرفينها يابنت جدي؟ : )
اتريدين ان تنحاشي ؟
لقد كعيتي وقفطتك يا امي
وعدتس عند ابوي تفهمين ..
وغصبا عنك بتحبيني موب على كيفك
***** انتهت القصيده الحمدلله ****
وريتها امي وكانت المحاوله الثالثه لي تقريبا وبغت تلعن والديني الا شوي بس الحمدلله عدت علي خير
ولكنها زعلت علي وقلت والله لازعل مدامها زعلت هي ... المهم مدري وشلون حست انها غلطانه وكتبت لي احبك ياقلق فانشكحت انشكاحا منقطع النضير وقلت يا انا يالشعر والله لاكتب مدحه في امي : اسم القصيده (
امي كالنخله ) وقلت في مطلعهها
امي كالورده في البستان منحاشه
تلاحقها النحل وتضربها الفراشه
احلى مافيك تعرفين تسوين سوفليه <= = وش دخل ذي الحين
يمه صدق تحبيني ولا تلعبين علي ..!!؟؟
ترا عادي قوليلي لاتستحين
تراك امي وعادي تمونين اذا كان الجواب نعم !!
فشكرا يا امي < == احسن مافيه يعرف يختم القصايد
***** انتهت القصيده بحمدلله******
كان ابوي وامي مايحبوني ... ومع قدرتي على الهجاء والمدح والرثاء .. صارو يحبوني وماصارو يقولون لي انقلع ولا صارو يطردوني شفتو وشلون الفله والوناسه الشعر مفتاح لكل شي حتى لو ماعندك سالفه مثلي تتدبر امورك عادي وسع صدرك
مايستفاد من الموضوع :
1-الثعلب دايما مكار :D
2-الشعر وسيله جيده للتحطيم واي احد يبي اكتب فيه قصيده يقولي في رده وماعليكم ازهلو الباقي :D
3-بربرتي واجد وعلى فكره اقصر موضوع كتبته هذا :D
4-اشوا انكم مافصلتوا الخط ,, لان الموضوع بيخلص بسرعه ( قل قسم ) :D
< مستحـي من ردودكـم ـم ـم :$
لا يطوفكـم وربـي قصـه لتموتون ضحك عليها :) 
