يا سعود وين اللي لهــــا القلب ملتــاع = مـن تحتــويني حب وتّحــــــــس فـيّه
الوقت طال ولاهـــــــــب الشــوق بتّــاع = نـــارالـــــهــــوى في مهجة الصـب حيّه
تعــيـــــــش بافكارى وما بين الأضلاع = بـيــن الحـنـــــايا العوج عرش الـبنيّه
أم العيون الفاتــــنه حــور ووســــاع = ومـن الرمــوش أخــدودها وسـط فيّه
الله عطــــاها حســــــن منطــــوق وطباع =سبــحــان ربــي كـلـهـا جاذبــيــه
إن سلهمت عز الله إن الـــولــــد ضــــاع =وان ســــولـفــت هــتــان يـاحي حيّـه
ريحــــــانة الأنـــفاس عــنبر ونعــناع= مــــدري عـســــل ممزوج وســط الشـفيّه
ترفع حريرٍ فــوق ذاك النـحــــــــر ماع=وانـــا جـــــداي اوّن وافـــــرك يـــديـّه
مسكت نفــسي خفت لاطـــيح بالقـــاع=إن طــــحـت أكيـــــد البنـت تـضــحك عليّه
يا ليتها تلمــس في الـــــروح الأوجاع= وتعــدها فــــــوق أربــع آلاف مـــيــه
وتـــعطــــيني عــلاجٍ لــلوجاع نـفاع=أوجــــاعـــي الـلي عـن سـواها خــفــيـّه
وانا علي أوقد لها شــموع الأصــــباع=واهــدي لهــــا عــمري بـكفي هــديـّـه

الادمي لولا المكارم والاخلاق=كالحنظله من ساسها لاورقها

أم العيون الفاتنه حـور ووسـاع=ومن الرموش أخدودها وسط فيّه
الله عطاها حسن منطوق وطبـاع=سبحـان ربـي كلهـا جاذبـيـه

سلـمت يداك يا أبـو يوسـف وصـح لسـانك

لـكـن عـاد عطنـا اللي بالأدراج ولا تبخـل علينا

بصراحه بصراحـه... أنا أبي قصيدة اللكـزس

وأنت كريـم ... وبني عمّـك تستاهل :)

ياتافه الناس تبطي ماتجي قدي=لاكبرت السالفه دمعتك مذروفه
ماتعرف الهزل يالتافه من الجدي=ماتدري ان البلد بالليل محيوفه
خلك بعمياك مع هاته على ودي=والياقربت الخطر غنيت معزوفه