رؤيا منامي ذكرتني بلاماك=وفزيت أقدم للبشير البشاره
هل تعلم أني واحد من ضحاياك=قتيل حرب .. مثل حرب الحجاره
ليتك مصوبني برمحك وشلفاك=الموت من يمناك ماهو خساره
لكن ذابحني بهجرك وفرقاك=مدري متى تسمح لنا بالزياره
شربت سحر البابلي من شفاياك=شراب ضرمانٍ شرب له زقاره
يوم أني أزيح الشعر عن محياك=وأيدٍ يمين الجيد .. ويدٍ يساره
وأن طاحت الدمعه على كف يمناك=حرارة الدمعة تداعب حراره
يامن خلقك الله بحسنه وسواك=أشوف فيك من العبارة عباره
وأحلف وأقدم لك رهن .. وأتحداك=مالك شبيه إلا ظبيْ الزباره
و الأشقر اللي كل ماقمت غطاك=شقار بشت فداويٍ في الإماره
واليا نطحت الريح وألا تقفاك=شبح .. شبح صدام بُدي وقماره
ماقط سافر فيه هذا ولا ذاك=شبح وزيرٍ عند باب الوزاره
__________________
اذا كان فى يوم أسأت لكـ متعمداً او من غير قصد ،،فانى اطلب منك السماح،
اللهم انى سامحت كل من أساء لي فى حضوري او غيابى لوجهك الكريم...
((( شـــبـــح الـــوزيــــر ))) 
رد: ((( شـــبـــح الـــوزيــــر ))) 
