سلطان الشعر

[ديحاني]

أقدم لكم بعض من جواهر وقصايد الشاعرالكبير سلطان
الشعر/ سلطان الهاجري
* * *
الصراحه مزعجه وأنا صريح
تزعلك ماتزعلك باقولها
شاعر موهوب ولساني فصيح
وسابح عرض البحور وطولها
والافاعي سمها ينذح نذيح
والعقارب سمها في ذيولها
ماعلى الدنيا ضمير مستريح
كل خلق الله تهن خيولها
ذا يحن وذا يون وذا يصيح
وذا يخطف راسها ورجولها
والشعر هذاقبيح وذا مليح
وكلبوها سارين مفعولها
أجلدالقبيح في وجه القبيح
وقول وش رايك وقول أصولها
ولاتدري مايصح الاالصحيح
خاطب العالم على قد عقولها
* * *
راكب اللي صمموها بخبره ورهوى
عيدهيت جو لارحم أبوها وأمها
لاأقبلت ذواح ذيب على الشاوي ضوى
مرخين خشمه لعرق الرطاه يشمها
راسها أكبر من ذنبها وباقيها سوى
عقرب ترفع ذنبها وترخي فمها
في قيادة كبتن يوم كيف وأستوى
قبل تستلحق عجلاتها وتضمها
ركد لكاس المحرم ونطحها الهوى
وخمها أصعوط المجانين قبل يخمها
* * *
إن جيت ياضاوي عسالله يحييك
على الشحم ومبهرات الدلالي
عندالرفيق اللي يعزك ويغليك
حيثك ولد عودن عزيز وغالي
وإن رحت ياضاوي فلاعندنا فيك
تغيب عنا شهور ولا ليالي
خذها على الذرعان مني وأنا أخيك
الكذب ماهو من سمات الرجالي
* * *
أنا ولدهاجر وخصمي ولد روق
حصن تصاقع والضماير نظيفه
لاحلق الجمهور طوق ورا طوق
مثل الضوامي فوق وادي حنيفه
ولاأنت لاعاشق ولاأنته بمعشوق
ولالك مع أصحاب الوظايف وظيفه
وأنا كتبت الشعرطاروق طاروق
وأحيان أوفق فيه وأحيان أعيفه
ولاعاد له معنى ولاعاد له ذوق
تقاسموه أهل النفوس الضعيفه
طاروق عانيه وطاروق مسروق
وأقرب قناة فاشله تستضيفه
* * *
قالو شراله خمس ميه وستين
مسكين قلت اللي على البال كافي
مدامني فنظار الأقزام مسكين
هذا دليل إني عزيز و وافي
نعم شريت البنزالأخضر بتسعين
سمته وتليته بتسعين صافي
أبيه لاقفى من الليل ثلثين
وأقفت مدافيح النجوم المقافي
أنخاه والدمعه تحت محجر العين
نخوة دريكن ناخين له سنافي
غيرت له زيته وعبيت بنزين
وأستنشق البنزين عقب الوقافي
كنه يصعط من صعوط المجانين
يرسي ليا جا فالطريق أنعطافي
وأقفا كما فرخن كفخ بالجناحين
نور الحسا قدمي وسلوى خلافي
منصاه في نجدالعذيه سلاطين
أهل موقفن يوم الحرايب يشافي
الآاد روق مرجحين الموازين
شطرن ركب من قاف غيري وقافي
أقولها هالحين وأول وهالحين
غصبن على أهل النفوس الضعافي

[محمد ابن عقوب]

ديـــحـــانـــي


مـــشـــكـــور ومـــا قـــصــرت على نــقــلك لــقـصـائـد الشاعــر // ســلـطــان الــهـاجــري


صــح لــسـانـك وصــح لــســانـــه



ســلــمــت أنـــامـــلــك ولا هـــنــت يــالــغــالــي



دمـــت بـــخــيــر

[برق الوسم]

مشرفنا الرائع ديحاااااني
يسلموووووووووووووو لاهنت على النقل الرائع
وصح لسانك ولسان سلطان الهاجري وكل عام وانت بالف خير
وصحه وسلامه تقبل كل الغلا محبك برق البوســــــــــــــــــــــــم

[ديحاني]

صاحب صاحبه

هلا وسهلا ياغالي ومشكور على تواصلك

[ديحاني]

الاخ الغالي والعزيز برق الوسم صح بدنك

والله يعافيك ومبروك عليك رمضان وعساه يعود علينا وعليك وعلى امطير بالافراح